Albistea entzun

Lehenengo gutunak

Maddi Etxeberria Otaegik 'Zein usain dute oroitzapenek?' aurreneko eleberria argitaratu du. Gazte irakurleei zuzendutako lana da
Maddi Etxeberria Otaegi, herenegun, Donostian.
Maddi Etxeberria Otaegi, herenegun, Donostian. MAIALEN ANDRES / FOKU Tamaina handiagoan ikusi

Mikel Lizarralde -

2018ko ekainak 13

Hutsune bat betetzen saiatzen da Erein argitaletxearen Bioleta saila. Nerabezaroa atzean utzi duten gazteentzako atala da, eta, besteak beste, liburu hauek biltzen ditu: Ramon Saizarbitoriaren Kandinskyren tradizioa, Philip Pullmanen Tximeleta tatuajea eta Zubi hautsia, Mariasun Landaren Azken balada eta Karlos Linazasororen Mendekuaren graziaz. Nolanahi ere, Iñaki Aldekoa argitaletxeko editoreak azaldu duenez, «zaila» izaten da esparru horrentzako lan egokiak aurkitzea, eta askotan «enkarguz» egiten dira lanak.

Ez da hori Zein usain dute oroitzapenek? Maddi Etxeberria Otaegiren (Andoain, Gipuzkoa, 1998) opera primaren kasua. Idazleak berak bidali zuen argitaletxera, eta, izkribua irakurrita, Aldekoak ondorioztatu zuen «aintzat hartzeko lana» zela. «Lan pertsonala da, lehen pertsonan idatzitakoa, eta indar handia du. Baina batik bat sinesgarria da, eta sendotasuna erakusten du».

Txiki-txikitatik, irakurzalea eta literaturaren zalea izan da Etxeberria Otaegi, eta horrek idaztera ere eraman zuen gazte-gazte zela. «Koaderno txiki bati» kontatu izan dizkio bere istorioak, baina hainbat sari ere irabazi ditu, hala nola Martin Ugalde eta Urruzunotarrak. Azken horrek balio izan zion «idazle eta zale amorratuak» ezagutzeko. «Normalean, isolatu samarrak izan gara, eta han topatu nituen literatura ni bezala bizi zuten beste hainbat lagun». Asko idatzi izan du, eta Zuzeu agerkari digitalean atera izan dira bere lan batzuk. Izanaren itzalak bloga abiatu zuen, berriz, duela hiru urte.

Gutun bidez eraikitako lana

Gaiak Heleni igortzen dizkion gutunak dira Zein usain dute oroitzapenek? lanaren ardatz. Gaia euskal herritarrak Colchesterretik (Ingalaterra) lagunari bidaltzen dizkion eskutitz horiek gauzatzen dute kontakizuna: lagun zahar eta berriak, amodio zahar eta berriak, bizimodu aldaketa, Euskal Herriarekiko harremana... Gai ugari agertzen dira nobelaren orrietan.

Liburua idazten hasi zenean ez zuen buruan eleberriak hartuko zuen azkeneko forma. «Idazten hasi nintzen, eta gero hartu du forma». Protagonista nagusia Ingalaterran kokatu izana ere ez da oharkabean hartutako erabakia. «Euskal Herritik atera behar nuen, hemengoekin nolabaiteko distantzia bat hartzeko».

Etxeberria Otaegik asko idazten du, baina ez du askorik ezabatzen. «Orraztu egiten dut, edo lekuz aldatu, edo gorde, baina ezabatu, ez dut ezabatzen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

"Zinema independentea hauskor atera da"

"Zinema independentea hauskor atera da"

IƱaki Etxeleku - Ipar Euskal Herriko Hitza

Baionako Atalante zinema gela diru laguntzei esker bizi da urritik. Saint Picq, gela kudeatzen duen elkartearen burua, grinatua da zinema independentearen etorkizunari buruz.

 ©Jon Urbe, Foku

Eraberritze soilagoa eta merkeagoa

Miren Garate - Gipuzkoako Hitza

Udazkenean hasiko dituzte Donostian Koldo Mitxelena eraberritzeko lanak, baina "birdimentsionatu" egin dute jatorrizko proiektua, pandemiaren eraginez. Bi urtean itxita egongo da kulturunea, eta beste gune batzuetan emango dituzte hango zerbitzuak.

Real Estate, 2019ko argazki batean, Jackson Pollis kidea oraindik taldean zenean. ©JAKE MICHAELS / REAL ESTATE

Itxialdi melodiko bat

Aitor Biain

Real Estate taldeak 'Half a Human' argitaratu du. Sei kantuz osatutako disko labur bat da, itxialdian eta modu telematikoan osatutakoa. Aurreko diskoaren luzapentzat har daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.