Josiv Stalin

SESBen altzairuzko agintaria

JOSIV STALIN.

Mikel Rodriguez -

2017ko azaroak 5
Josiv Vissarionovitx Dzhugaxvili Georgiako Gori hirian jaio zen, 1879ko abenduaren 18an. Familia behartsua zuen, eta amak Tblisira bidali zuen 1895ean, apaiz ikasketak egin zitzan. Dzhugaxvilik, ordea, ikasketak alde batera utzi zituen, eta talde sozialistetan militatzen hasi zen. 1902an atxilotu zuten lehen aldiz, eta Siberiara bidali zuten. Aldi horretan hartu zuen Stalin ezizena, Altzairuzko gizona. Siberiatik ihes egin eta Georgiara itzuli zenean, boltxebikeekin bat egin zuen. 1905eko iraultzan ezagutu zuen Lenin. Stalinek ez zuen erbestera jo, eta 1917ko iraultzara arte hainbat aldiz atxilotu zuten. Iraultzaren ondoren haren eragina handitu zen boltxebikeen artean. 1922an Alderdi Komunistako idazkari nagusi izendatu zuten, eta postu hori baliatu zuen boterera heltzeko. 1929tik aitzinera, boterea egonkortu eta alderdi barreneko arerio guztiak garbitu zituen. Haren agintaldian, industrializazio prozesua gauzatuta eta II. Mundu Gerran Alemania nazia garaituta, Sobietar Batasuna munduko potentzia gisa egonkortu zen. 1953ko martxoaren 5ean hil zen, 74 urterekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna