Noiz sortua: 2019-10-11 00:30:00

Siriako gerra. Turkiaren inbasioa Rojavan. Meryem Kobane. Komandante kurdua

«Atzo arte heroiak zirenak gaur ezin dira ikusezinak izan»

Turkiaren erasoaldia gelditzeko laguntza eskatu du YPJko kideak, baina uste du «kaleetan manifestazioak egitea» ez dela nahikoa. «Inportantea da botere lekuetara joatea».

Orsola Casagrande -

2019ko urriak 11
YPJ emakumeen milizien Kobaneko komandante nagusia izan da Meryem Kobane. Haren agindupean, Estatu Islamikoaren setioari eutsi zioten lau hilabetez baino gehiagoz, eta, azkenean, jihadistak menderatu zituzten, 2015eko urtarrilean. «Gure herriak humanitate guztiarentzat borrokatu du Kobanen». Hitz horiekin hasi da Meryem Kobane komandantea BERRIAren galderei erantzuten: «Setioak iraun zuen hilabeteetan inspirazioa eman digu nazioarteko elkartasunak, batez ere mundu guztitik heldu zitzaigun emakumeen babesak. Orain, berriz, herri hau, kurduen herria, humanitate guztiarentzat ari da borrokan. XXI. mendeko historian orri beltz eta lotsagarri bat idaztea izango da kurduei babesik ez ematea».

Zein mezu eman nahi diozu nazioarteko komunitateari?

Gaur egun bi lekutan hartzen dira erabakiak: Nazio Batuen Erakundean, eta NATOn. Nazioarteak, eta batez ere emakumeek, hara joan eta han esan behar dute ozen Turkiaren erasoak gelditu egin behar duela. Atzo arte nazioarteko komunitatearentzat heroiak izan direnak gaur ezin dira ikusezinak izan. Horregatik, munduan ditugun adiskideei eskatzen diegu haien ahotsa entzunarazteko botere lekuetan.

Emakumeei egin diezu deia…

Bai. Gaur, Serekaniyen, eta muga guztian zehar, emakumeak daude lehen lerroan, gure herriaren duintasuna defenditzeko, gure hildakoen memoria defenditzeko, eta gure lorpenak defenditzeko. Askatasunaren aldeko borroka, batez ere, emakumeen askatasunaren aldeko borroka baita. Ez da nahikoa kaleetan manifestazioak egitea. Inportantea da botere lekuetara joatea, han hartzen baitira erabakiak, eta kontatzea zer gertatzen ari den Siriako iparraldean eta ekialdean. Emakumeek kontatu behar dute Turkia umeak hiltzen ari dela, emakumeak hiltzen ari dela, gazteak, zaharrak. Erdoganek eta Al-Baghdadik [Estatu Islamikoaren buruak] aurpegi bera dutelako.

Ez da kasualitatea izan turkiarren inbasioa Serekaniyen hastea, ezta?

Serekaniye oso leku garrantzitsua da kurduentzat. Hemen hasi zen Rojavako iraultza. Hemen loratu da nazio diferenteen arteko bizikidetza, hiria aske izan den urteotan. Beraz, ez da kasualitatea Turkiak hemen hastea inbasioa. Kurduak sarraskitzea baita haren helburua; eta eskualde honetan iraultzarekin sortutako Administrazio Autonomoaren pean bakean bizi ziren beste kulturak ere suntsitu nahi ditu. Iragarpen bat egingo dugu: Turkiak bere inbasioa Serekaniyen hasi du, eta Serekaniyen egingo du porrot.

Estatu Islamikoko kideak preso dauden kartzela batzuetan erasoak egin ditu Turkiak. Zein da Erdoganen asmoa?

Mundu osoaren interesekoa da gerra hau gelditzea. Erdoganen eta bere mertzenarioen —berdin dio zer izen duten— pentsamendu atzerakoiak indar hartuko du, eta orain ekiten ez duena izango da horren konplize. Txanpon beraren bi aurpegiak dira. Guk eutsi egingo diogu, erresistentzia gure askatasuna delako. Kurduek eutsi egingo diote, beti. Baina borroka hau ez da gurea bakarrik. Gerra hau ez baldin bada gelditzen, ondorioak katastrofikoak izango dira humanitatearentzat.

Erdoganek, kritikak gaitzetsi, eta Siriako kurduen aurkako erasoak gogortu ditu

Gerrak jaialdia eten du

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 400 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Araba, Bizkai eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek, Europara begira, Sanchez babestu du, eta onartu du egoera «oso konplexua» dela, baina hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 400 pertsona hil dira Euskal Herrian, eta 8.225 pertsona kutsatu

Irati Urdalleta Lete

50 pertsona hil dira atzotik, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna