Jaurlaritzak eta komunitate islamikoek lankidetzarako tresnak abiaraziko dituzte

Ados aholku batzordea sortuko da bihar. «Nazioarteko terrorismoari, arrazakeriari, xenofobiari eta islamofobiari» aurre egiteko helburua du
Jonan Fernandez, atzo, jarduera programaren aurkezpenean.
Jonan Fernandez, atzo, jarduera programaren aurkezpenean. JUANAN RUIZ / FOKU

Jon Rejado -

2018ko apirilak 13
Eusko Jaurlaritzak jarduera programa bat abiarazi du Arabako, Bizkaiko eta Gipuzkoako komunitate islamikoekin lankidetzan aritzeko. Jonan Fernandez Jaurlaritzako Giza Eskubide eta Bizikidetza zuzendariak hausnartu du «elkarrekin eta bakean bizitzeko ideiak» batzen dituela herritarrak. Beraz, aurkeztutako programak ildo horretan eragin nahi du. Hori lortzeko, sei proposamen jarri ditu mahai gainean.

Lehen proposamena bihar irudikatuko dute. Ados Euskadiko komunitate islamikoarekin lankidetzan aritzeko aholku batzordea sortuko du Eusko Jaurlaritzak. Hamazazpi kide izango ditu: Jaurlaritzak bost ordezkari izendatuko ditu; foru aldundiek, hiru; Eudelek, bat, eta komunitate islamikoek, zortzi. Batzordearen zeregina da komunitate islamikoak «modu integratuan bizi daitezen sustatzea», eta ildo horretan abiaraziko diren politika publikoen gainean aholkatzea.

Fernandezek atzo aurkeztu zituen jarduera programaren nondik norakoak. «Nazioarteko terrorismoari, arrazismoari, xenofobiari eta islamofobiari aurre egiteko tresna» dela azaldu zuen, eragile guztien artean «giza eskubideen aldeko konpromiso partekatuarekin». Ados aholku batzordeaz gain, Euskadiko Erlijioen Kontseilua ere sortzeko asmoa agertzen da jardueren artean. Halaber, «erradikalizazio biolentoaren identifikazio goiztiarreko foroa» sortzea proposatu dute, baita prebentzioarekin lotutako proposamenak ere. Horrez gain, berretsi du giza laguntzaren aldeko konpromisoari «eutsiko» diola.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna