Eskarmentua falta du, baina kalitatea sobran dauka

Talde izaera da Espainiako selekzioaren indargunea. Luis Enriquek goitik behera aldatu du 2018an hartu zuenetik, eta, oraindik trantsizioan dauden arren, onenen pare aritu daitezkeela erakutsi zuten azken Eurokopan. Baliteke esperientzia falta sumatzea Munduko Kopan, aurrenekoa izango baita hogei jokalarirentzat; horien artean daude Unai Simon, Nico Williams eta Hugo Guillamon euskal herritarrak. Zelai erdian eta erasoan talentu handia dute, Pedri buru dutela.