Bere onera itzuli nahi du, Flicken gidaritzapean

Alemania ez da betiko bera izan azkenaldian: 2018ko Munduko Kopan, kanporaketetara ere ez zen iritsi, eta, iazko Eurokopan, final-zortzirenetan kanporatu zuten. Bukaera tristea izan zuen Joachim Loewren aroak. Hansi Flickek hartu du taldea zaharberritzeko ardura. Jokalari zailduak eta gazteak gidatu beharko ditu Qatarren. Izarra Joshua Kimmich da, Bayern Municheko erdilaria. Alemania bere onera itzultzen saiatuko da, eta bosgarrenez txapeldun bihurtzen.