Korsikarren bidea «segitu» egin behar dela dio Ikas-Bi elkarteak

Itxaso Cuevas -

2014ko azaroak 27
Eskola publiko elebiduneko guraso eta irakasleek osatzen duten Ikas-Bi elkarteak haserrea adierazi zuen atzo Baionan egindako agerraldian. Izan ere, ikastetxeak nabarmendu zuen zailtasunak dituztela euskara transmititzeko aitzina eramandako lanean. «Nahiz eta gurasoen benetako atxikimendua jaso eta estatuaren ezagupena izan, oraindik ere oztopo handiak daude gure hezkuntza sistema errazteko baxoa arte», adierazi zuen Thierry Delobel Ikas-Bi elkarteko lehendakariak, kezkaturik.

Urtetik urtera ikasle kopuruak gora egiten duela nabarmendu zuen Delobelek —2010-11ko ikasturtean 4.623 ikasle ziren, eta aurten, 5.018-; baina hori ikusirik, Hezkuntza Ministerioak ez du laguntzarik ematen irakasle elebidunen prestakuntzarako, Ikas-Biren arabera. Elkartearen ustez, ministerioak eskola publikoko irakasleen prestakuntza ahalbidetu beharko luke, eta hezkuntza sistema horri dedikatuak diren irakasleak «bilatu». Beherapen bat gertatzen ari dela nabarmendu du Ikas-Bik, «ama ikastolatik lehen maila pasatzeko bidean eta lehen mailatik kolegiorako bidean ikasle kopuruak behera egiten baitu».

«Korsikarren eredua»

Korsikan aitzina eramandako lana azaldu, eta Ipar Euskal Herrian «berdin» egin behar zela gaineratu zuen Delobelek:« Korsikan, euren hizkuntzaren transmisioa eta bizitasuna ahalbidetzeko, eskola publiko elebidunak indartu dituzte».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna