Gerrari ezetz esateko mobilizazioak

Elkarrizketa, bakea, bizitza eta burujabetza. Lau helburu horien atzetik mobilizatu ziren atzo ehunka lagun Hego Euskal Herriko hiriburuetan. Guernica Gernikara egitasmoak bultzatuta egin zituzten mobilizazioak, Euskal Herriak gerrari ez! lelopean. «Gure haragitan eta bihotzetan ditugun herri zaurietatik eta baita bizi desirenagatik ere, guretzat nahi duguna nahi dugu besteentzat ere», adierazi zuten eginiko adierazpenean. Irudian, Iruñeko elkarretaratzearekin bat egin zuten herritarrak.