Hego Euskal Herriko ZIUetan 47 gaixo daude, larri

Hilabete ilunen ondotik, argia ikusten da birusari kontra egiteko bidean. Osakidetzak eta Osasunbideak emandako datuei so, gero eta agerikoagoa da COVID-19aren eragina apaldu dela Hego Euskal Herrian. Gaur egun, guztira 163 paziente dira gaitzak jota ospitaleraturik; orain hilabete, 379 pertsona ziren. Gainera, 47 eri daude ZIU zainketa intentsiboetako unitateetan gaitzak jota. ZIUetan ere oso bistakoa da paziente kopuruan izandako beherakada: uztailaren 18tik erregistratu den daturik apalena da hori. Bestalde, birusaren transmisioari so, Osakidetzak eta Osasunbideak 8.193 diagnostiko proba egin zituzten atzo, eta 114 kutsatu detektatu zituzten.