Albistea entzun

Qatarko Munduko Kopa. HARMAILATIK AULKIRA

Ezinbesteko bakarra

Nerea Zusberro Alberro - Futbol entrenatzailea

2022ko azaroak 30

Frantziako selekzioan jokatzeak ekosistema konplexu baten parte izatea dakar. Urteak dira arraza eta elkarbizitza arazoek astintzen dutela Frantziako aldagela. Esaterako, azken hamarkadako jokalaririk onena, Karim Benzema, sei urtez egon zen deialdietatik kanpo. Hura gabe, munduko txapeldun izan ziren 2018an. Ez da harritzekoa, talentuari dagokionez herrialdea garai bikain batean baitago.

Hutsune askorekin iritsi dira Qatarrera: Nkunku, Kimpembe, Pogba, Kante, Lucas Hernandez, Benzema... Hala ere, Munduko Kopa irabazteko hautagai argia da. Baina ezinbesteko jokalari bakarra dute beren talde jokoak funtziona dezan. Antoine Griezmannek selekzioa batzen du. Oso fisikoa den defentsa bloke baten eta pausatzen ez dakien erasoko lerro baten artean bizi da, eta hura bakarrik da gai lotura egiteko.

Eraso posizionalean Frantziak 4-2-3-1 sistema dauka, eta bertan Antoinek mugitzeko askatasuna du. Jokoaren bi unetan ezinbestekoa da. Lehenik, jokaldiaren hasieran. Erdilariengandik gertu dago, baita ezker hegaletik ere. Bertan biltzen du taldea, irteera bermatzeko. Bigarrenik, aurkarien lerroen artean kokatzen da, eraso bikaina garatzeko. Hor, bi aukera ditu: Dembele bilatu alde ahulean, edo Mbappe aurkitu defentsa lerroaren bizkarrean.

Defentsa posizionalean ere ederki moldatzen da. Erasoko jokalari gutxik ulertzen dute pase lerroen itxiera Antoinek bezala. Gainera, funtsezkoa da defentsa transizioan, ez bakarrik estalduretan, baita jaurtitzaileari egiten dion presioan ere, kontraerasoak eragozteko.

Telebistak ez dira haren bila ibiltzen, eta golak Mbappek sartzen ditu, baina Griezmann da Frantzia talde sendo bihurtzeko jokalari ezinbesteko bakarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Giro onak lagundu digu prestatzen eta gozatzen»

Jon Ander De la Hoz

Azurmendik eta Alberdik irabazi dute Sherpa Airen binakako txapela. Biei «ilusioa» egin die elkarrekin gailentzeak. Finalean egindako lan ona azpimarratu dute.
Teresa Errandonea atleta Donostiako belodromoan. Bertan entrenatzen da eguraldi txarra dagoenean. ©JAGOBA MANTEROLA / FOKU

Erori, zutitu, eta jauzi egin

Beñat Mujika Telleria

Min hartuta egotea zaila izaten da kirolarientzat, baina soleoan izandako lesioa atzean utzita, sasoiko itzuli da Teresa Errandonea hamar hilabeteren ostean.
<b>Realeko jokalariak igandean sartutako goletako bat ospatzen.</b> ©LA LIGA

Balio handiko partida

Ainara Arratibel Gascon

Realak atzeratutako liga partida jokatu du gaur Real Madrilen zelaian. Txuri-urdinek segida eman nahi diote igandean lortutako garaipenari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.