HAUR ETA GAZTE LITERATURA. 'Tontolapiko'

Ipuinen munduan dena da errazago

Idazlea: Pello Añorga. Ilustratzailea: Jokin Mitxelena. Argitaletxea: Denonartean.

Imanol Mercero -

2017ko ekainak 25
Ipuin tradizional baten osagaiak dituen istorioa da, tapa gogorreko liburu ertainean (22x22cm) emana, eta 32 orrialde dituena.

Haurrekin boz gora irakurtzeko aproposa da —batik bat 5-8 urtekoekin—, baina, oroz gain, ipuinak entzutea maite duen edonoren belarriak gozatzeko modukoa dela ahaztu gabe, adina gorabehera.

Izenburuak nahasmena sor lezake, ez baita bullying-az hausnartzeko ohiko istorio bat. Aldiz, halako gertaera sozialetako elementuak hartzen ditu, ipuinetan baino gertatu ezin diren ekintzak eta pertsonaiak akzioan jartzeko: irainak, haserrea, erreakzio bortitzak erasoen aurrean... Horiek denak eta gehiago plazaratzen dira. Ez ordea testuinguru erreal batean, baizik eta ipuinetako lurraldean, zeinetan sinbolismoaren bidez gertaerak muturrera eraman ahal diren, minik hartu gabe.

Gainera, harrigarriki, hau dena umorearen bitartez eskaintzen zaigu, eta, ondorioz, haurrak halako gai bortitzaz lezio txiki bat jasoko du, bere burua errudun sentitu gabe, eta estresik gabe.

Irudiek Mitxelena desberdin bat ikusteko aukera eskaintzen digute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna