HIZPIDEAK

Aldaketaren aldaketa?

Maria Txibite, PSNren kongresuan.
Maria Txibite, PSNren kongresuan. IVAN AGUINAGA / EFE

Ainhoa Oiartzabal Azketa

2017ko abuztuak 11
Vianako udaletik dator notizia: PSNk, Gero Baik eta Ahal Dugu-ren ildoko udal talde batek, zentsura mozio baten bitartez, alkatetzatik kendu dute UPN. Hala, Jose Luis Murgiondoren ordez, PSNko Yolanda Gonzalez izango da aurrrerantzean alkate. Espero izatekoa zen bezala, UPNren jarraitzaileez lepo beterik zegoen udal aretoa, eta, erabaki politiko batzuen ondotik izaniko aldaketa guztietan gertatzen den legez, ez zen batere lasaia izan kargu aldaketa. Bertan, orain arteko alkatearen aldekoak ez ezik, Patxi Leuza (Geroa Bai) eta Maria Txibite (PSN) parlamentariak zeuden. Tokiko gertaera politiko bat izaki, bada adierazgarria haien presentzia. Batik bat, PSNko idazkari hautatu berriarena.

Hain zuzen, PSN izan baita Vianako aldaketa honen liderra —hiru zinegotzirekin, boto gehien lortutako alderdietan bigarrena da han—, eta, besteak beste, baldintza hau jarri zuen akordioa egiteko: EH Bildu kanpo uztea. Hori ere bada adierazgarria. Eta, batez ere, gobernuan koaliziokide dituen Geroa Baik eta Ahal Dugu-k aukera horri bide ematea... PSNren idazkari hautatua izan berritan, «UPNren alternatiba» gisa ez ezik «aldaketaren alternatiba» gisa aurkeztu zenean, zer esan nahi ote zuen Txibitek? EH Bilduren alternatiba izan daitekeela bera?

Errealitatea aintzat hartuta jokatzeko, harekin tratuak egin —nahi— dituztenek kontuan hartu beharko lukete alderdi sozialistaren ordezkaritza eta ibilbide politikoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna