Albistea entzun

HIZPIDEAK

Klimax taurinoa

Zezenketaren aurkako protesta, atzo Donostian.
Zezenketaren aurkako protesta, atzo Donostian. JUAN HERRERO / EFE

Iñaki Petxarroman -

2015eko abuztuak 14 - @petxarroman

Egin dituzte zezenketak berriro Donostian. Birkonkistatu dute hiria zezenzaleek, eta pozez zoratzen daude hedabide eta sektorerik espainiarzaleenak. Donostia euren egin dute.

Izan ere, zezen plazak husten ari diren garaian halako bultzada sinboliko bat behar zuten negozioa ez hondoratzeko, EH Bilduri eta erredikalei deabru adarrak erantsita, gainera. Egoera ez da erraza, ordea, taurinoentzat. Atzo, inoizko propaganda kanpainarik handienaren erdian ere, ez dira gai izan Donostiako zezen plaza betetzeko, eta jarlekuen asko hutsik geratu dira. Laster, urak jaisten direnean, erdia ere ez dute beteko. Eta, hor, udalaren esku-hartzea izango dute euskarri bakarra. Izan ere, udalak zezenketen antolatzaileei %40ko deskontua egingo ez balie, inor gutxi hasiko litzateke zezenketak antolatzen. Beraz, ez da egia udalak ez dituela zezenketak laguntzen. Toreroak eskuetan duen ezpata bera da haren ekarpena.

Donostia bihurtu dute frankismo garaiko hiri ustez espainiarzalea. Eduki dute euren egun loriatsua. Estimatzekoa dute, inondik ere, alderdi abertzale batek emandako kapotea. Zeren trukean? Auskalo. Beharbada erakundeetan bidelagun duen kideari ordaindu nahi zion zerbait. Edo, agian, guztiz ahaztuta dauka inoiz alderdia gidatu zuen zezenketen aurkako tradizioa.

Espainiako errege ohia ere izan da, eta klimax taurino eta unionista bihurtu da festa. Gaurtik aurrera, normaltasuna. Eta horrek zezenketak beren tokian jarriko ditu: historiako liburuetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...