HIZPIDEAK

Ahal izatea eta nahi izatea

Sansinenea eta Monedero, orain bi aste.
Sansinenea eta Monedero, orain bi aste. JUAN CARLOS RUIZ / ARP

Jon Ordoñez Garmendia -

2015eko urtarrilak 3
U rtebete ere ez da igaro Madrilen Podemos mugimenduaren sorburu den manifestua aurkeztu, eta zabaltzen hasi zenetik. Horren ondotik, 2014ko urtarrilaren 17an hasi zen egituratzen mugimendua, eta, Europako hauteskundeetatik haratago, ukaezina da hilabete hauetan lortu duen babesa, eta, eragin dituen eztabaidei erreparatuta, izan duen arrakasta. 2015ean, baina, Ahal Duguk euskal gizartean duen indarra botoetan neurtzeko urtea izango da.

Bozkatzeko bi hitzordu dituzte Hegoaldeko herritarrek aurten, eta biak ere oso bestelakoak: maiatzean, udaletan, aldundietan eta Nafarroako Gobernuan nork aginduko duen hautatuko dute, eta, udazkenean, Madrilen. Podemosek Europako Parlamenturako bozetan erakutsi zuen ikur dituen liderrek indar handia dutela urrutiko distantzietan. Kongresurako bozetan indar hori lagungarri izango dute Euskal Herriko hautagaiek, zalantzarik gabe. Aurretik, baina, maiatzeko bozetan jokalekua bestelakoa izango da, eta kontua ez da soilik izango Madrilgoen itzala noraino heltzen den, baizik eta, egoitza nagusia Madrilen duten alderdi guztiekin gertatzen den bezala, Euskal Herriko ordezkarien ahalmena Madrilera heltzen den, eta noren ondora bil daitezkeen.

Esanguratsua izan da joan den urteko Podemosen gorakada. Zer nahi eta ahal duten jakiteko, baina, garrantzitsuagoa da datorrena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna