HIZPIDEAK

Bertako intxaur ustelak

Cabieces, Alkorta eta Fernandez, epaiketan.
Cabieces, Alkorta eta Fernandez, epaiketan. L. TEJIDO /EFE

Iñaki Petxarroman

2017ko martxoak 21
Mario Fernandezi bi alderditako hiru goi agintarik deitu zioten Mikel Cabieces EAEko gobernu ordezkari sozialistari lana —edo soldata— eman ziezaion Kutxabanken. Bankuko presidente ohiak auziko epaiketan aitortu zuenez, «ohikoa» izaten zen «borroka antiterroristan» ardura handia izan zuten agintariei halakoak egitea. Deia «normala» izan zen, beraz, eta Cabiecesi ere egin zioten tokitxo bat. Hala, hiru urte pasatu zituen Kutxabanken soldata jasotzen, bertan lanean aritu gabe. Dirua bidegabe erabiltzeaz errudun jo ditu EAEko Auzitegi Nagusiak Cabieces, Fernandez eta Rafael Alkorta abokatua, eta sei hilabete eta urtebete arteko zigorra ezarri die.

Auziaren hariari tira liezaiokete epaileek jakiteko ea nortzuk deitu zioten Fernandezi Cabiecesentzako fabore eske. Zeren litekeena da gaur egun Araba, Bizkai eta Gipuzkoako aginte organoetatik urrun ez ibiltzea politikari horiek, eta, beraz, arrisua izatea halako, edo antzeko, kasu gehiago izateko.

Kasualitatez edo ez, atzo bertan bi urte eta erdiko zigorra ezarri zion Bizkaiko probintzia auzitegiak Bakioko alkate ohi Txomin Renteriari (EAJ), hirigintza iruzur batengatik. Herritarrak ohituta daude ustelkeria kasuen berri jasotzera urrutiko herrialdeetako intxaur ustelak balira bezala. Baina hemen ere badira intxaurrondoak, eta intxaurrak ematen dituzte, agerikoa denez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna