HIZPIDEAK

'Aquarius', Valentziara

Iñaki Petxarroman -

2018ko ekainak 12

Valentzian porturatzea eskaini diete Aquarius itsasontzian harrapatuta dauden 629 immigranteei Espainiako eta Valentziako agintariek. Esker oneko keinu humanitarioak, zeresanik ez, itxaropen izpi bat piztuko du euren bizitza Mediterraneoan usteltzera zihoala ikusten zuten ume, emakume eta gizonentzat.

Italiaren eta Maltaren jarreraz zer esan? 629 pertsona modu horretan abandonatzeak erakusten du zer bihurtu den behinola munduaren aurrean bere burua giza eskubideen bermatzaile gisa agertzen zuen Europa hau.

Alabaina, bidegabea litzateke arazoaren errua Italiari bakarrik leporatzea. 2017an Europara iritsi ziren 171.635 etorkinetatik %70 Italiak jaso zituen. Aspalditik ari ziren hango agintariak Brusela ohartarazten kolapso batera iristen ari zirela, eta Europako Batasunak entzungor egin dio Erromari. Horrek ere erraztu du Lega Norderen moduko alderdi xenofobo batek gobernua hartzea. Arazoa Italiatik askoz harago doalako. Frantziak eta Austriak poliziaz eta harresiz bete dituzte Italiarekiko mugak. Alemaniak eta Eskandinaviak tapoi gisa erabili dituzte Hungaria, Polonia, Txekia eta Eslovakiaren politika zigortzaileak. Oxala Espainia bihurtzea pobreziatik eta gatazketatik ihesi doazen etorkinen babesleku. Tamalez, Afrikako bere mugan egunero gertatzen denak ez du itxaropen handirik ematen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.