HIZPIDEAK

Navarrometroa

Kazetari bat inkestarekin, atzo.
Kazetari bat inkestarekin, atzo. JESUS DIGES / EFE

Iñaki Petxarroman -

2014ko azaroak 22
Aldaketa eskatzen ari da sektore zabal bat aspalditik Nafarroan. Eta, Gobernuaren inkestak aldaketa bat baino gehiago, urakan bat iragarri du. Hainbestekoa, ezen sinesten lanak ematen dituen. Nola da posible UPN horrenbeste amiltzea? Nola liteke hautagairik ere ez duen, eta aurkeztuko dela ziurtatu ez duen, Podemos-Ahal Dugu hain gora igotzea? Posible ote da Nafarroan halako aldaketa bat ez, baizik eta tamaina horretako iraultza bat gertatzea?

Inkestak inkestak direla entzuten da maiz. Kozinatu egiten direla, egilearen interesen arabera. Bai. Baina joera bat erakusten dute. Baliteke UPNren boto ezkutu bat egotea, eta bozetan ez horren behera erortzea. Jakina, baina, edozein kasutan ere, zerbait oso handia gertatzen ari da Nafarroan, eta, aldaketarekin ahoa bete duten asko ere gainditu egin ditzake enbataren tamainak.

Duela lau urteko Navarrometroak 17-18 jarleku eman zizkion UPNri, eta 19 atera zituen. Inork ez zuen zalantzan jarri inkestaren sinesgarritasuna. Orain bai, ordea. Eta, pentsatzen hasita, baditu errealitate zantzu nabarmenak. Jendea haserre dago agintarien kudeaketarekin, eta olatu handi bat dago Podemosen alde. PSNren boto pila biltzeaz gain, abstentzioaren arrantzaleku oparoan sarea bete dezake Iglesiasen alderdiak. Jendeak haize berria nahi duelako. Eta haiek direlako, itxuraz behintzat, hori posible dela sinetsarazi dutenak. Aldaketa nahi duten besteek badute norekin lanean hasi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna