Albistea entzun

HIZPIDEAK

Etorkizuna zain

GuraSOS elkartearen atzoko agerraldia.
GuraSOS elkartearen atzoko agerraldia. JON URBE / ARGAZKI PRESS

Ainhoa Oiartzabal Azketa -

2016ko ekainak 14 - @oiartzabal

Irudi gogorra da zuriz eta beltzez jantzitako haurrak aurpegian kolore gorriko gas maskarak dituztela ikustea. Donostiako Kontxako hondartzaren sarreran atzo ateratako argazki horrekin —eta datorren igandeko mobilizazioarekin— lortu nahi dute ikusgarritasuna Gipuzkoako hainbat gurasok errauste plantaren kontrako euren jarrerarentzat. Performancearekin, «interes ekonomiko eta politikoen gainetik» adingabeen osasuna lehenets dezatela eskatu nahi diete agintariei. Finean, etorkizuna ez baldintzatzea eskatzen ari dira.

Gipuzkoa Zutik plataforma eredugarrikoek haurren batzarrean egin zuten bezala, pentsatzekoa da etorkizuneko protagonista diren gaur egungo haurrei azalduko zietela aferaren nondik norakoa eta galdetuko zietela protestari buruz. Hori bera, iritzia emateko aukera zabaltzea galdegingo dutela jakinarazi baitute GuraSOS elkarteko kideek. Herritarren parte hartzeari buruzko foru arau bati tiraka, erraustegiari buruz erabakitzeko prozesu bat abia dadin ahaleginduko baitira. Eta jardun politiko hori alderdien joko politikotik aterata egitea nahi dute.

Zaila da, ordea, bi hauteskundeen arteko kanpaina betean erraustegiaren gaia ez politizatzea. Eta ez preseski eztabaida sano baten barruan. Beraz, lehenik eta behin, politika egiteko egungo modu trakets eta kutsakorra da eraitsi beharrekoa. Etorkizunaren alde. Hark eskertuko digu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...