Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

Berria.eus

Iritzia Sekretuak

Publizitatea

Iritzia

HIZPIDEAK

Sekretuak

 

2017-11-15 / Mikel P. Ansa

PPk «gardentasun falta» leporatu dio Kutxabanki. Bankuak ez duelako argitu 2006an PSOEri 21 milioiko zorra barkatu ote zion. Sekretua gordetzeko eskubideaz, «banku sekretuaz», mintzatu da Francisco Javier Lurueña Kutxabankeko kontseilari ordezkaria. PPk eskatuta joan da Lurueña Espainiako Senatuko batzorde batera. Isilik egoteko; bezeroaren konfidentzialtasuna baitago informazio hori publiko egitearen gainetik. Espainiak 2013an aldatu zuen legea; ordura arte, bankuak ez zeuden behartuta barkatutako zorren berri ematera, eta izan liteke, egiaz, informazio hori galduta egotea. Luis Aznar PPko kidea, haserre mintzatu da Senatuko batzorde horretan. PSOEri bankuek 40 milioi barkatu ote zizkioten —tartean, BBK-k 21 milioi— ikertzeko muntatu dute popularrek batzorde hori. Bakarrik gelditu dira, beste alderdiek uste dutelako PPk nahita antolatu duela batzorde hori, bere finantzaketa ilegalari buruzko ustelkeriak estaltzeko. Nabarmena da kontua. Baina nabarmena da PP berak jositako tranpan erori dela ere. Hasteko, Kutxabanki orain egotzi dion «gardentasun falta» hori bera izan duelako PPk, ustelkeria ikertzeko antolatu diren batzorde guztietan. Jarraitzeko, bera ere baliatu izango zelako 2013 arteko lege horretaz. Eta bukatzeko, Rajoyk berak ere beste sekretu baten aitzakia erabili duelako, orain berri, Kataluniara bidalitako polizien gastuaren berri ez emateko: «Estatu sekretua» da orain. Zozoak beleari, sekretuak belarrira.

Publizitatea

Sortu kontua

Publizitatea

Gaiarekin zerikusia duten albisteak