HIZPIDEAK

515

Amagoia Mujika Tolaretxipi -

2018ko apirilak 13
Tamara Carrasco CDRetako kideari ez diote terrorismoa eta matxinada leporatuko, Diego de Egea Espainiako Auzitegi Nazionaleko 6. Instrukzioko epaileak desordena publikoetan utzi baitu akusazioa. Ezusteko ona izan da, De Egea Carmen Lamela ez den arren ez baitabil urruti: armadako egitura juridiko-militarretik egin du jauzi behin-behinean Auzitegi Nazionalera, eta ezagun dira epaileen artean jarrera gogorra eta independentistak azpiratzeko grina. Baina erabakiak hartzeko arrazoiak arrazoi, ez zaio egokia iruditu terroristatzat jotzea ustez errepide bat ixteagatik edota ekintzara deitzeko bideo bat zabaltzeagatik.

De Egeak, oraingoz, uko egin die desioei. Ez da izango seguruenik presioagatik, baina zalaparta behintzat sortu du CDRak terroristatzat jotzeko dagoen tentazioak: orain arte Katalunian gertatzen ari dena salatu ez dutenetako asko ere batu dira fiskaltzaren erabakiaren kritiketara, Espainian eta Katalunian.

Goizaldean Altsasun kaleko jantzitako bi polizia eta haien bikotekideak jotzea terrorismotzat hartzeak, ordea, ez du oihartzun bera. Adur Ramirez de Alda, Jokin Unamuno eta Oihan Arnanzek 515 egun daramatzate espetxean, eta, beste bostekin, itxuraz gogorra izango den epaiketa baten atarian daude. Lamelaren instrukzioa bideratuko du Concepcion Espejel epaileak —curriculum esanguratsua harena ere—, 155.a aitzakiatzat erabili behar izan gabe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna