HIZPIDEAK

Sintomak Osakidetzan

Jon Ordoñez Garmendia -

2018ko ekainak 7

Ez zegoen frogarik, ez zegoen salaketa ofizialik, baina Osakidetzak jada ikerketa batzuk abiatu ditu oposizioetako ustezko ustelkeria kasuen harira, eta bertan behera utzi ditu susmopean dauden zenbait oposizio. Gutxienekoa da, ez baitira kaleko susmo hutsak azken egunetan azaleratu direnak, baizik eta oinarri sendoa duten zantzuak, sintoma adierazgarriak.

Kale egin zuten Jon Darpon Osasun sailburuak eta Maria Jesus Mujika Osakidetzako zuzendariak astelehenean salaketak gutxietsi zituztenean. Osakidetza ez baita soilik Eusko Jaurlaritzaren administrazioaren beste adar bat. Beste ezeren gainetik herritarren osasun arretaren ardura duen erakundea da, eta gutxienez kezkagarria da osasun sistemaren sinesgarritasuna kolokan jar dezakeen edozein jarduera. Pauso bat da horregatik, bigarren botean bada ere, asteleheneko hanka sartzea zuzendu eta ikerketak abian jarri eta lehiaketak bertan behera uztea. Baina ez da nahikoa. Lekukoek diote jokaera errotua dela azterketak filtratzea. Horregatik, azkenera arte eraman behar dira ikerketak eta haien emaitzen ondorioak. Eta okerrik egonez gero, zuzendu eta berriz gerta ez dadin neurriak hartu.

Sintomek diote Osakidetzan gaitz bat dagoela. Bere buruaz diagnostiko zintzoena egiten duen arte, erakunde horren administrazioaren profesionaltasuna zainketa berezietan egongo da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna