HIZPIDEAK

Atariko ordua

Jon Ordoñez Garmendia -

2018ko ekainak 14
Atariko ordua iritsi da. Haurrak atera dira ikastetxeko jolastokira. Alde batean, futbolean jokatzeko ate bat. Beste aldean, beste ate bat. Ez du beste aukerarik ematen jolastokiak: futbolean jokatu edo jolas eremuaren mugetatik kanpo geratu. Bi ate horiek markatzen duten eremu horrek bezala,hala bereganatuko du Errusiako munduko futbol txapelketak mundu osoko jendearen arreta gaurtik. Jolas eremuaren barruan dauden zaleena, eta kanpoan geratu nahi dutenena ere bai.

Gaur hasiko da Gizonezkoen Munduko Futbol Kopa. Zilegi da pentsatzea ez dela beharrezkoa esatea gizonezkoena dela, mundu guztiak dakielako emakumezkoena datorren urtean jokatuko dela, Frantzian. Baina futbolaz hitz egiten denean ez dago sobran azpimarratzea gizonek jokatuko dutela, binomio hegemoniko ezin perfektuagoa osatzen baitute futbolak eta maskulinitateak, eta horren isla baita txapelketa. Are eta gehiago, Errusian.

Aipagarria da txapelketa hasi aurretik zer gutxi hitz egin den LGTBI kolektiboko kideek herrialde hartan jasaten dituzten erasoez. Tamaina horretako kirol ikuskizunen atarian, ohikoa izaten da hitz egitea gai sozialez. Errusiaren kasuan, ordea, eraso homofobo eta transfoboak jolas eremutik kanpo utzi dituzte hasi aurretik ere. Gehienez, orain erasotzaileez hitz egingo da, muturreko zaleez. Baina ez eraso horiengatik, baizik jolas eremuan egiten dituztenengatik. Futbolaren irudia zikintzen baitute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna