Noiz sortua: 2015-05-27 00:30:00

HIZPIDEAK

Zenbakiak bai, borondatea ez

Javier Maroto, erdian, hauteskunde gauean.
Javier Maroto, erdian, hauteskunde gauean. RAUL BOGAJO / ARP

Jakes Goikoetxea -

2015eko maiatzak 27
Legegintzaldian esandakoak eta egindakoak aintzat hartuz gero, posible zen. Hauteskunde kanpaina ikusita, baita ere. Igandeko hauteskundeetako emaitzekin batuketak eginez gero, zenbakiak alde daude. Baina hauteskundeen osteko borondateak eta adierazpenak ikusita, ez hainbeste. Nafarroan egin behar zena eta egin daitekeena ez da helburu eta aukera, nonbait, Gasteizko Udalean: Javier Marotok alkate jarrai dezan galaraztea. Etorkinen jazarpena eta kriminalizazioa bere jardueraren eta kanpainaren ardatz bihurtu duen alkatea kanporatzea. Maroto harro dago lortutakoaz eta lortzeko moduaz. Are gehiago PPren gainbehera orokorra ikusita. Garaipena berea dela dio etengabe, ez alderdiarena. Alkatetzan jarraituz gero, ez dauka pentsaera eta jokabidea aldatzeko asmorik. Alkate izanda, bakardadean aritu behar badu ere. PP Marotori begira jarri da: Nerea Llanos EAEko idazkari nagusiak esan du Maroto eta Josu Bergara Sestaoko alkatea —ez PPkoa, EAJkoa baizik—direla haien erreferentziak, haiengandik ikasi behar dutela.

Maroto kanporatzeko, jakina, gainerako alderdiek uko egin behar diote beren interesen zati bati. EH Bildu prest dago alkatetza beste alderdiren baten esku uzteko, boto kopuruan bigarren alderdia izan bada ere. Gobernu egonkorra lor liteke? Zaila. Baina gutxieneko batzuk hitzartu daitezke alderdiren batek edo batzuek alkatetza hartzeko, gutxiengoan bada ere. Ondo baitago norbaiten kontra elkartzea, baina beharrezkoa baita zerbaiten alde bat egitea ere.

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Urkullu, atxiboko irudi batean. ©Juanan Ruiz / Foku

Madrilek entzungor egin dio Urkulluren eskaerari

Berria

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin dituela "desberdintasunik egin" erkidego autonomoen arabera.

Mapa: koronabirusaren zabalpena herriz herri

Mapa interaktiboak: koronabirusaren zabalpena herriz herri

Berria

Koronabirusak Hego Euskal Herrian zer nolako zabalpena duen ikus liteke administrazioek emandako datuekin BERRIAk sortu duen mapa honetan. COVID-19aren bilakaera grafikoetan.

Arnaldo Oregi, artxiboko irudi batean. ©Jon Urbe / Foku

Madrilen neurriak "berandu" heldu direla esan du Arnaldo Otegik

Edu Lartzanguren

Alderdi, sindikatu eta enpresaburuen mahai bat eskatu du, krisitik ateratzeko estrategia bat eratzeko, eta langileek ez ditzaten kalteak ordaindu

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna