Albistea entzun

HIZPIDEAK

Hauteskunde plebiszitarioak

Jakes Goikoetxea -

2017ko urriak 31 - @ijitoa

Ez da erraza Mariano Rajoy Espainiako Gobernuko presidentea ulertzea, eta sarritan ez da erraza haren politikak eta erabakiak ulertzea ere. Kataluniaren independentzia aldarrikapenaren aurretik, erreakzionatu egin du, eta Kataluniako autogobernua bertan behera uztea erabaki du, Espainiako Konstituzioko 155. artikuluan oinarrituta. Neurrien artean, ordea, hauteskunde autonomikoetara deitu ditu kataluniarrak abenduaren 21erako. Oso azkar: urriaren 1eko erreferendumeko bortizkeriaren oihartzunak hor jarraitzen du; Poliziaren presentziak ere bai; Jordi Sanchezen eta Jordi Cuixarten espetxeratzeek ere bai; Konstituzioko 155. artikuluan oinarritutako doako barrak ere bai; eta independentziaren aldeko katalanek haserreago eta mobilizatuago dirudite kontrakoek baino.

Rajoyk, nahita edo nahi gabe, hauteskunde plebiszitario bihurtu ditu abenduaren 21eko hauteskundeak, zeren PDeCatek eta ERCk, ostiralean Kataluniako Errepublika aldarrikatu zuten horiexek —CUPekin batera—, parte hartzea erabaki baitute. Ez dute zehaztu nola.

Espainiako Senatuko presidenteordeak hauteskundeak eta gero berriro ere 155. artikulua erabiltzeko mehatxua egin badu ere, emaitza independentziaren aldekoa bada, Rajoyk arazoak izan ditzake Espainian eta Europan, Europak, orduan bai, negoziatzera bultzatu baitezake.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...