HIZPIDEAK

Erabiltzaile merkatua

Jon Ordoñez Garmendia -

2018ko martxoak 22
Ekonomia tradizionalak arau garbi bat izan du urteetan enpresei sozietate zerga kobratzeko: toki jakin batean lantegiak, saltokiak edo langileak dituzten enpresek toki horretan ordaindu behar dituzte zergak. Internetek, baina, negozio mota berri bati ireki zizkion ateak, eta enpresa teknologikoek euren irabaziak gutxi zergapetuta egin dute orain arte negozioa. Batez beste, erdia baino gutxiago (%9,5).

Zehaztugabetasuna zergarik ez ordaintzeko baliatu duen negozio eredu berri hori arautu nahi du Europako Batzordeak, eta zergak negozioa egin eta irabaziak eskuratzen diren tokian ordainarazi, eremu berri bat zabalduz. Esatera dator enpresa bat ez dagoela soilik lantegiak, saltokiak edo langileak dituen lekuan, baizik eta baita gure lantokiko ordenagailuan, sofa gaineko tabletan eta komunera ere eramaten dugun sakelako telefonoan.

Ikuspuntu aldaketa horrek, halabeharrez, galdera bat jartzen du mahai gainean: enpresa teknologikoentzat erabiltzaileak zer dira, bezeroak edo produktua? Bigarren aukera hori ez litzateke zerbait berria: telefono konpainiek publizitatea saldu ohi dute aspalditik lehen oso ohikoak ziren zenbaki aurkibideekin, erabiltzaileen datuekin negozioa eginez. Teknologia berriek, baina, ate asko ireki eta zabaldu dituzte, eta ikuspuntu aldaketa beharrezko bihurtzen da jarduera horiek arautzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna