Hamaikagarren aldiz eskatu zuten atzo gaixo dauden euskal presoak aske uzteko. Basauriko kartzela eta osasun etxea lotu zituen giza kate baten bitartez egin zuten, ehunka lagunek. Batik bat, Ibon Iparragirre presoaren egoera salatu zuten.
Basauritik ia bostehun kilometrora, Kataluniako preso politikoak aske uztea eskatzeko bildu ziren milaka manifestari. Manifestazio handia egin zuten(750.000 lagun), eta, kataluniarren protestaldietan ohikoa den bezala, irudi eta mezu gogoangarriak izan ziren.
Izatez denbora gehiegi daramate preso, baina, egutegiari so eginez gero, egun gutxi dira Katalauniako ordezkari politikoak eta eragile sozialak espetxean sartu zituztela. Hala, haien askatasunaren alde antolaturiko lehenengo manifestazio handietako bat izan zen.
Tamalez, Euskal Herrian, urteroko ekitaldi bilakatu da Bilbon urtarrilean euskal presoen eskubideen alde egiten den protesta erraldoia. 2018ko urtarrilaren 13an izango da hurrena. Eta urtez urte egin arren, ziurra da Bilboko kaleak beteko direla eta Bartzelonatik atzo iritsi ziren irudien pareko irudi hunkigarriak izango direla.
Izan ere, ez Katalunian eta ez Euskal Herrian ez dira onartzen Espainiako Estatuaren jazarpenak eta mendeku politikak. Espetxean dauzkaten preso politikoak dira horren hezur-haragizko lekuko. Horregatik daude preso.
HIZPIDEAK
Presoak han eta hemen
Iruzkinak
Ez dago iruzkinik
Ordenatu
