HIZPIDEAK

Zigor malgua

Jon Ordoñez Garmendia -

2018ko maiatzak 19
Altsasuko gazteen kontrako auziak oso goian jarri du Auzitegi Nazionalaren izugarrikeriaren langa. Epaiaren zain dago auzia, baina urte eta erdi daramate preso hiru gaztek, eta 65 urte arteko espetxe-zigor eskaera errealitate bat da jada; estatuaren nagusikeriaren mezua emanda dago.

Altsasuko auziaren itzalean abiatuko da etzi beste lau gazteren kontrako epaiketa, desordena publikoak eragitea leporatuta, terrorismo delituagatik. Zazpina urteko espetxe zigorra eskatzen du fiskalak lau horientzat, eta behin-behinean libre dira (zortzi hilabete egon ziren preso hiru). Ez dira konparagarriak bi kasuak horregatik. Ez gertakariak, ez behin-behinean hartutako neurriak, ezta espetxe zigor eskaerak ere. Altsasuko auziaren neurrigabekeriak, ordea, ezin du balio neurria jartzeko terrorismo delitua leporatzen zaien beste gazte batzuen kontrako auziei. Arazoa ez baita soilik espetxe zigorraren urte kopurua, baizik eta terrorismo delituaren tipifikazioa. Neurri kontua bada, estatuak aurkituko du modua neurri irensgarri bat aurkitu eta bere nagusikeriarekin jarraitzeko. Kulunka egiten badaki: zigor malgua ez da hausten inoiz, eta jotzen jarraitzen du.

Duela urte batzuk izugarria zen kutxazain bat erretzeagatik hamasei urteko kartzela zigorra ezartzea. Urte horietan puri-purian zegoen gatazka kalean. Orain, ez dago ETA, baina terrorismo delitua bai. Eta kaleko desordenengatik zazpi urteko zigorra eskatzen dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna