Albistea entzun

IRLEN SAREA

Blogak ideia bezala

Gorka Julio -

2016ko uztailak 2

Gorka Salcesek argi eta garbi azaldu du bere tesian orain arte intuizioa zena: sare sozialetako elkarrekintzak hedabide handiei mesede egiten die. Hau da, hedabide eta eduki metatzaile handiek beraiei buruz hitz egiten dugunean, indartsuago egiten ditugu.

Esango nuke hedabide handiei, ez ezik, hedabideei orokorrean egiten diela mesede. Internet zerbait bada, izaera banatuko sare bat da, non bitartekaritzak, paperik badu, balorea eman behar dion bere funtzioari. Blogak, adibidez, bitartekaritza zuzenik gabeko sorkuntza esparru bat izan ziren. Sare sozialengatik ordezkatzen hasi ginenean, birzentralizazio bat ematen hasi zen.

Beharbada bakoitzak bere bloga izatearen desio hura ez zen zuzena, baina edukia partekatzeko sortu egin behar da, eta horiek inoiz baino eduki gehiago sortu zuten. Arazoa ez da agian edukia sortzeko mekanismo anitzak izatea. Internetek aukera hori ematen digu, eta eskerrak. Arazoa edo arazoari erantzun bat bilatzeko bidea kontsumoak metatzea izan daiteke.

Sortzaileak behar ditugu, informazioa sortuko dutenak bai, baina, nola ez, beste mota bateko sorkuntzak egingo dituztenak, blog indibidualak, kolektiboak, musika, irratsaioak, webseriak... Ahalik eta sortzaile gehiago, hobe. Sortzaile hauen sorkuntza asko audientzia gutxikoak izango direla jakin behar dute, eta arrakasta lortzen dutenek, aldiz, aukera, baliabide edo zorte gutxiago izan dutenei laguntzeko ardura.

Horientzako publikoa bilatzean dago gakoa, eta horretan agregatzaileak behar ditugu. Audioen munduan Ivoox.com, testu idatzietan Medium.com, ikus-entzunezkoenean Netflix eta antzeko plataformak horixe egiten dute. Beharbada hori da falta duguna euskaldunok, masa kritiko hori bilatuko duen agregazioa.

Elkarrekikotasuna ere garrantzitsua izango da. Kontsumoak batzea lortuz gero, zein ekarpen egingo diote hauek sortzaileek bere lanak egiten jarrai dezaten? Lan libreek, publikoek eta pribatiboek tratu bera merezi dute? Ziklo ekonomikoa itxi behar da hemen ere. Ez da erraza, beti dago gainera zerbait handi eta bakarra, esfortzuak norabide bakarrean bideratzeko inpultso madarikatu bat. Blogek pista asko eman zizkiguten, ideia bezala berreskuratu eta blogen filosofian zeuden gauza on eta txarrak aztertuta zerbait berria sor dezakegu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...