EKOGRAFIAK

Hainbeste kostatzen da?

Miren Manias -

2018ko maiatzak 18
Eskerrik asko etortzeagatik. Zuk badakizu, gure giro honekin, ez dakigula gure programaren iraupena zenbatekoa izango den. Edukiko dugun tartetxoa ala ez...». Ilaski Serranoren hitzak dira horiek, ETB1eko Ahoz aho saioan esandakoak. Zehazki, asteazkenean; Miren Gaztañaga aktorea platoan agurtzean azpimarratutakoak. Hemezortzi minutuko elkarrizketa izan zen; ez dakit esaten hori asko ala gutxi den, egun telebistako denbora garesti saltzen baita. Zer esanik ez kultura edukiak prime time ordutegian programatzeko, hor duzue EiTB Kultura Transit. Hobe, beraz, hortaz ahaztea? Izugarri gozatu nuen solasaldia. Bi emakume. Sofan jazarrita. Aurrez aurre. Aktore lanaz, gonbidatuaren lan berriaz eta egindako ibilbideaz hitz egiten —biluzteaz, eraldatzeaz, publikoaren eragin-trukeaz, taula gaineko emakumezkoa izateaz...—. Nire iritziz, Serranok eta Gaztañagak oso gustura jardun zuten. Elkarrizketak bazuen gidoi bat, alegia, aurrez zehaztutako galdetegia. Gaztañagak, ziurrenez, aurretik jaso eta irakurri zuena. Horrek asko errazten ditu gauzak, jakina; baina, Ilaskik badu gaitasun berezia gonbidatuak zein kolaboratzaileak eroso sentiarazteko. Telebistan eskarmentu handia du, eta, neurri handi batean, horren isla ere bada abilezia hori. Ura gabe tea behar zuten aldameneko mahaiaren gainean. Oraindik egin ez baduzue, ikus ezazue; nahi duzuenean, nahi duzuen lekuan eta nahi duzuen erara. EITB Nahieran-en dago.

2019ko otsaila da BBC Scotlanden kate berria abiarazteko zehaztu duten data. Eremu bererako emisioak emango dituen telebista publikoaren bigarrena. Ofcom telebista-irrati erregulatzaileak behin-behineko baimena eman dio eta, guztira, 36,6 milioi euroko aurrekontua izango du —EITBk baino ia 100 milioi gutxiago—. BBC Scotlandeko zuzendari Donalda MacKinnonek dioenez, «Eskoziako errealitatea islatzen duten programa berriak izango dira, fikzioa eta komedia tartean». Hori bai, «programazioaren %50 inguru errepikapenez osatuko da». Usain txarra du kontuak, zintzoak izan gaitezen. Glasgowk arte garaikideko zentro zoragarria du —Centre for Contemporary Arts (CCA)—; egunero, bertako eta kanpoko zinemagile, idazle, dantzari, musikari eta artista ugari biltzen dituena. Datu bat: Ahoz aho-k 5.700 euroko kostua du —125 minutu—.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna