Noiz sortua: 2015-04-23 00:30:00

IRLEN SAREA

'Project Loon' eta 'Internet.org'

Gorka Julio -

2015eko apirilak 23
Internet mundu guztia konektatzera iritsi dela diogunean gezurretan ari gara. 3.100.000.000 pertsona ingurura iristen da konektibitatea; biztanleriaren %43 inguru, beraz. Beste arlo batzuetan bezala, pobretutako herrialdeetan ematen da ezberdintasun gehien.

Gauzak horrela, benetako Internet global baten ametsak hor jarraitzen du. Batzuek konektibitateak aukera berriak eta arazo asko konponduko dituela adierazten duten bitartean, beste batzuek, aldiz, merkatu berriak irekitzen laguntzeko metodo bezala ikusten dute. Hala ere, gehienak arrazoi bat edo bestea dela komunikazio teknologia honen orokortzearen alde daude.

Bide horretan zenbait ekimen sortuko dira eta ziurrenik ekimen horiek ere baldintzatuko duten etorkizuneko Internet globalago horren izaera. Bi aipatzerako Googleren Project Loon (http://google.com/loon)eta Facebook-en Internet.org (http://internet.org) proiektuak.

Lehenak estratosferan kokatutako globoen bidez eraman nahi du 4G bidez Internet leku urrunenera ere. Proiektu esperimentala bada ere, hainbat tokitan lortu dute teknologia probatzea. Globo estratosferiko horiek sare bat osatzen dute, eta bakoitzak barruan duen beste globo baten bidez —eta korronteak probestuz— beharrezko estaldura izatea lortzen ari dira. Lurrean dauden estazioekin harremanetan edota zuzenean telefono adimendun arruntekin ere jaso ahal izango dela adierazi dute. Hornitzaile ezberdinei ere teknologia alokatzea pentsatu dute.

Internet.org, aldiz, Facebook eta hainbat enpresa pribatuk orain arte Interneteko azpiegitura gutxi garatua zuten zenbait herrialdetan Internet doan eskaintzea bilatzen du. Horretarako, eguzki energia bidez mugitutako droneak erabiltzea proposatzen dute.

Internetera konektatzeko ekimenak izan daitezkeenak enpresa erraldoi hauen merkatua handitzeko estrategia argiak ere badira. Hori argi badago, ikusteko dago oraindik ekimenak interes komunerako ere ekarpenik egin dezakeen. Internet.org proiektuak alarma guztiak piztu ditu Hego Amerikan eta Indian.

Ekimen enpresarial hauek interes komunerako balioa izango dute, baldin eta Interneteko berezko izaera irekia errespetatzen badute; bereziki bere neutraltasuna mantentzeko mekanismoak ezartzen badira horretarako.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 400 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 400 pertsona hil dira Euskal Herrian, eta 8.225 pertsona kutsatu

Irati Urdalleta Lete

50 pertsona hil dira atzotik, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna