EKOGRAFIAK

Kamerak itzaltzen direnean

Miren Manias -

2018ko otsailak 28
Zer gertatzen zaie errefuxiatuei kamerak pizten direnean? Komunikabideen eta errefuxiatu krisiaren arteko harremanaz gogoeta bultzatzen duen dokumentala da Another News Story (2017). Orban Wallace zinema zuzendari eta ekoizle britainiarrak egin du, «albisteak kontsumitzeko moduek egoera larrietan harrapatuta dauden pertsonengan duten eragina erakusteko». Wallacen lanak Pariseko Bataclan aretoan gertatutako atentatuan du oinarria, 2015eko azaroan. Handik egun gutxira, Donald Trump AEBetako oraingo presidenteak hau esan zuen: «Ahula eta eraginik gabekoa zarenean, gauza txarrak gertatzen dira». Ziurrenez, hedabide batzuen diskurtsoa markatuko zuten hitz horiek. Alegia, Estatu Islamikoa eta errefuxiatuen krisia lotzen ditu, Trumpek immigrazio politikaren harira egin baitzituen adierazpenok. Ordutik, asko izan dira krisiaren gaineko albisteak. Prentsa idatzian zein telebistan. Dokumentalak ere ez dira falta izan —agian, errefuxiatuak ahalduntzen dituzten fikziozko lanen hutsunea nabaritu dut—. Ane Irazabal kazetariak berriki ohartarazi duenez ETBko En jake saioan, arriskua dago gizartea gaiaz ahazteko etorkizun laburrean. Besteak beste, oraindik bizirik dagoen krisiak gero eta toki txikiagoa betetzen duelako albistegietan. Trumpen hitzak maileguan hartuta, hedabideen eta kazetarien eraginkortasuna jartzen du zalantzan Glasgowko Zinemaldian ikusitako lanak: «Medioak gai al dira errefuxiatuen errealitatea zuzen erakusteko, edo audientzia da interesik ez duena haien egoera ulertzeko?».

«Asmoa zen Calais [Frantzia] inguruko errefuxiatuen oihana filmatzea, 2015eko udan. Hara iristean, ekaitz mediatiko batekin egin genuen topo, eta ohartu ginen bazegoela beste istorio handiago bat: medioen makineriarena. Uretatik irten baino lehen eta haiei ezer galdetu gabe, iheslariei kamera bat jartzen zitzaien aurpegiaren aurrean». Wallacek uste du asko aldatu direla interes informatiboko albisteak lantzeko irizpideak, medioen arteko konpetentziagatik eta ikuslea erraz nekatzen delako halako gaiekin. Errefuxiatuena nekez izendatzen dute albiste nagusi. «Arazoa existitu arren, asko murriztu da istorio garrantzitsuentzako denbora, eta, ondorioz, estaldura zein kontsumo pausatua falta dira». Galdegin nion: «Zuen kamerak itzaltzen direnean, zer?».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna