Albistea entzun

EKOGRAFIAK

Ikuskizuna

Jokin Labaien -

2018ko martxoak 13

Gertatuak, distantziak distantzia, atsekabea sortzen du. Baita kezka ere. Zaila da ulertzen nola egin diezaiokeen horrelako zerbait helduak haurrari. Kezka horri, baina, beste bat gehitzen zaio: haurra desagertu zela jakin zenetik, hedabideetan —bereziki telebistan— gaiak izan duen tratamendua. Igande arratsalde eta gauean, edo atzo astelehenarekin, zer eskaini nahi du kazetari bana Gabrielen amonaren eta amaren etxeen atarira edo polizia etxera bidaltzen duenak? Zer inolako pisu objektiborik ez duen bizilagunen iritzia bilatzen duenak? Zer hala dagokien arduradunen adierazpenei itxaron gabe ikerketaren gaineko zalantzak hedatzen dituenak? Zein informazio eskaintzen zaio ikus-entzuleari atxiloketaren unea azaltzen duen grabazioa behin eta berriz emanez? Zein atxilotu aurretik hedabide bati emandako elkarrizketaren grabazioarekin eta, ustez, zein lasai zegoen iradoki eta zabalduz? Zein albistegien gai zerrenda aldatu eta atxilotua duten kuartelaren inguruan sortu den giro beroa erakusteko zuzeneko konexioa egiten duenak? Zertarako balio du atxilotu zuten unean inguruan zen bizilagunari elkarrizketa egiteak? Zertarako atxilotua aske zela hartu zizkioten azken irudiak emateak? Zertarako haurra eta ustezko hiltzailea elkarrekin azaltzen dituen irudi mordoa zabaltzeak? Zergatik aurreikusi nahi da zein zigor mota jarriko zaion atxilotuari? Zergatik pasatzen dituzte hainbeste minutu, hainbeste ordu, hainbat saio eta tertuliatan gaiari buruz hizketan, benetan esatekorik ez badute?

Tamalgarria da horrela esan behar izatea, baina ikuskizuna sortu dute; sortu, elikatu eta borobildu. Horixe. Besterik ez. Eta ikasi beharko dugu, besteak beste telebistan lanean aritzen diren eta ikuskizunaren ikus-entzule garen askok eta askok, bestela jokatzen. Ardura nagusia gurea ez bada ere, horiek ez elikatzen. Ikasi beharko dugu dagokionari garrantzia ematen eta bide okerrera garamatzaten tentazio horiek baztertzen. Garia eta lastoa, informazioa eta morboa bereizten. Denboraren eta antsietatearen kudeaketa da, besteren artean, normalean ahantzi ohi dugun eta eztabaidaren muinera ekarri behar den gaietako bat. Herritar bezala, informatuak izateko eskubidea dugu. Aldea dago, ordea, horretatik orain eta hemen informatuak izateko beharrak sortzen digun antsietatera.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.