EKOGRAFIAK

Soldata arrakalan, erantzukizuna

Miren Manias -

2018ko martxoak 23
Norvegiako emakumezkoen eta gizonezkoen futbol taldeko jokalariek soldata bera izango dute. Hala adierazi zuen herrialdeko Futbol Federazioak iazko urrian. Bi taldeek hitzarmena sinatu dute, nazioarteko emakumezko jokalarien ordainsaria 258.950 euroan gehitzeko. Orain arte, gizonezkoen taldeak 873.921 euro jasotzen zituen guztira, eta emakumezkoenak 413.576 euro. Kontua da emakumezkoen taldea hobeto aritu ohi dela nazioarteko txapelketetan.

Badaude soldata ezberdintasunari aurre egiteko neurri politikoak hartu dituzten herrialdeak. Davosko foroak emandako datuen arabera, Islandia da soldata arrakala txikiena duena. Herrialde horretan 336.483 biztanle bizi dira. 25 pertsona baino gehiago dituzten enpresa guztiek —publikoak zein pribatuak— langile guztiei soldata bera ordaintzen dietela frogatu behar dute. Horretarako, gobernuak ziurtagiri ofiziala lortzeko obligazioa ezarri die. Lortzen ez badute delitua egotziko zaie.

Erresuma Batuan, lehen aldiz, 250 langile baino gehiago dituzten enpresek —baita gizarte erakundeek ere— apirilaren 5era arte dute generoaren araberako soldata ezberdintasunak aurkezteko, baita arrakala ezabatzeko hartuko dituzten neurriak ere. Guztira, neurriak 9.000 konpainiari eragiten die.

Alemanian, legez debekatuta dago generoan oinarritutako soldata ezberdintasuna ezartzea. Hala ere, emakumeen eta gizonezkoen arteko arrakala %21ekoa da. Angela Merkelek 200 langile baino gehiago dituzten enpresei agindu die emakumezkoei jakinarazteko gizonezkoei zenbat ordaintzen dieten antzeko lana egiteagatik. Neurri horrek bertan behera utziko du enpresek langileei ezarri zien soldatak ezagutzera emateko debeku klausula.

Enpresaburuei dagokie egiaztatzea langile guztiei bidezko soldata ordaintzen zaiela, ez emakumezkoei frogatzea gizonezkoak baino gutxiago irabazten dutela. Beste batzuek nahiago dute honako hau esan: «Gaizki ordaindutako lanak aukeratzeko joera dute emakumeek». Bestela esanda, emakumeok dugula soldata arrakalaren erantzukizuna. Roberto Larrañaga EAEko patronalaren elkarteko buruaren hitzak dira, Radio Euskadin entzundakoak. Ez galdetu zergatik, azkenaldian telebista baino gehiago entzuten dut irratia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna