EKOGRAFIAK

Estonia, bi puntu

Miren Manias -

2018ko ekainak 20

Gauza gutxi nekizkien Estoniari buruz herrialdea bisitatu aurretik. Asko jota, herrialde horrek telebistaz ikusitako Eurovisioneko musika lehiaketaren batean lortutako bi puntuak. 2007ko abuztuan izan nintzen lehen aldiz, Tallinn hiriburuan. Leku polita da, uste baino koloretsuagoa. Unescok gizateriaren ondare izendatua du haren alde zaharra; hain zuzen, Europako Erdi Aroko hiri babestuenetako bat da. Estoniak 1991n lortu zuen independentzia demokratikoa Sobietar Batasunetik. Beraz, Errusiar kulturaren eragina nabaria da oraindik, bereziki jende helduarengan. Gazteak, aldiz, oso kosmopolita dira.

Harrituta utzi ninduten hainbat gauza ikusi nituen Estonian. Horietako bat, orain dela hamar urte jada, sakelakoaren bitartez autoaren kaleko aparkaleku zerbitzua ordaintzeko aukera. Aplikazioa Internetetik jaitsi eta matrikularen zenbakia sartu besterik ez zenuen egin behar. Ez zen, beraz, TAO makinarik Tallinneko kaleetan. Gogoan dut urte batzuk zirela sakelakoa nuenetik, baina gailuaren bidezko ordainketa gauza berria zen niretzat. Areago, ez nuen imajinatu aukera hori laster irits zitekeela Euskal Herrira. Egia esateko, ez dakit egun existitu ere egiten den.

Tallinnek 450.000 biztanle inguru ditu eta urte gutxian hazi egin da modu izugarrian. Baina, ez populazio aldetik. Negozio-ideia berritzaileetan oinarritutako enpresa askoren lekua da Tallinn: pertsonako start-up kopuru handiena duen Europako lekua da. Estoniarren eta teknologia berrien arteko harremana, ordea, ez da gauza berria. Izatez, Skype Internet bidezko deiak egiteko softwarea garatzen duen konpainiaren jaioterria da. Luxenburgon badu egoitza nagusia, estoniarrek sortu zuten 2003an. Maite Iturbe EITBko zuzendari nagusiak honako hau adierazi du Legebiltzarrean, 2019-2030 plan estrategikoaren harira: «Telebista, agian, ez da tresnarik egokiena kultura zabaltzeko. Kultur eskaintzan sakondu ahal izateko, Internet izan daiteke bitartekotik egokiena». Iturbe anderea, hor duzu telebistako ordurik gehienak betetzen ari den Errusiako Munduko Kopa, non, guztira, hogeita hamabi herrialdetako taldeak lehiatzen ari diren. Hizkuntza, gastronomia, ekonomia, politika eta beste ezberdinen zerrenda luzea. Bururatzen zaizu orain aukera hoberik kultura eskaintzan sakontzeko?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna