Albistea entzun

IRLEN SAREA

Karraskariak Ermuan

Gorka Julio -

2018ko ekainak 2

Ermuko Udalak (Bizkaia) herri osoan zehar hedatutako zuntz optiko sare bat —Fibermua— eta wifi sare publiko bat sortu zituen. Wifiarekin kale eta parke garrantzitsuenetara iristen dira, eta zuntzarekin ia herriko atari guztietara. Herriko edozein puntutan konektibitatea behar izanez gero, zuntz bidez edo wifi bidez eman dezakete. Esperientziak nola funtzionatzen duen ezagutzea garrantzitsua da, gutxi baitira arlo publikotik sustatzen diren sare publiko eta neutralak.

Ermuko Udalak Promosa enpresa publikoaren bitartez eraiki ditu zuntzezko sarea eta wifia kaleetan. Zerbitzua eman nahi duten operadore pribatuak enpresa horren bezeroak dira, eta sare horiek alokatzen dituzte. Operadore horiek —ez udalak— ematen dizkiete bezeroei Internet, telefono finkoa eta IP bidezko telebista zerbitzuak. Sakelako telefonoa eskaintzen badiete, zerbitzu hori enpresa publikoaren eremuz kanpo gelditzen da.

Azpiegitura baten jabea izanda, zerbitzua operadore txikiek edo lokalagoek eman dezakete, sare beraren gainean. Horrek aurrezpen izugarria dakar obra zibiletan soilik, eta azpiegituraren beraren jasangarritasun ekonomikoa, operadoreei egiten zaien alokairuaren bidez finantzatzen baita. Azken hori ere erabaki bat izan da, nahi izanez gero enpresa publiko horrek ere eman baititzake konexio zerbitzuak.

Aste honetan, matxura baten ondorioz, ehunka erabiltzaile zerbitzurik gabe gelditu dira. Karraskariek zuntz optikozko kableak beren dietan sartu dituzte, eta horrek matxura bat sortu du sarean. Ohiko arazoa da hori lur azpiko azpiegituretan; konpainia askori eragin ohi dio. Berehala konpondu ahal izan dute arazoa, eta neurriak jarri dituzte etorkizunean gerta ez dadin.

Aste honetan, sare hori albiste izan da. EITB bidez zabaldu zuten albistean, ehunka pertsona Internet konexiorik gabe gelditu izanaren larritasuna azpimarratzen zuten. Arraroa egin zait, baina, Ermuko kasua ezagutu ahal izatea eta beste konpainia askok izaten dituzten matxuren berri inoiz gutxi izatea. Esate baterako, apirilean milaka pertsonari eragin zion Euskaltelen akats orokorrari buruz ezertxo ere ez dut aurkitu. Fibermua bezalako proiektuek mimo berezia merezi dute; arazoak izango dituzte, proiektu guztiek bezala, baina bihoakie hemendik nire babesa proiektuaren sustatzaileei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Endika Barrenetxea, Iñaki Ozkarizi zesta nola jarri erakusten, atzo, Galarretan. ©JON URBE / FOKU

«Zesta bat emango dizut»

Enekoitz Telleria Sarriegi

Galarretako erremonte eskolak ostiralero irekitzen ditu ateak modalitatea ezagutu eta lehen urratsak egin nahi dituztenentzat. Bi ikasle izan zituen atzo Endika Barrenetxeak.
1 ©ITSASO VELEZ DEL BURGO / EZEZAGUNA

Ezkutuko ehizari aurre egiteko

Ane Insausti Barandiaran

Pertsonen, armen eta drogen trafikoaren ondoren, urtero diru gehien mugitzen duen legez kanpoko jarduera da ezkutuko ehiza. Roberto Fraile eta David Beriain kazetariak horri buruzko dokumental bat egiten ari zirela hil zituzten.
 ©ANDONI CANELLADA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna