Albistea entzun

IRLEN SAREA

WWWa mehatxupean

Gorka Julio -

2018ko martxoak 17

WWW World Wide Webaren sortzaileak, Tim Berners-Leek, berak sortutako asmakizuna mehatxupean dagoela esan du. Baina weba baino, erasopean dagoena Internet osoa dela esan daiteke.

Internet sare globalaren estatalizazioa, alde batetik. Maila globaleko komunikazio esparru banatu eta unibertsala zen hori, estatuen mailako kontrol politika murriztaileen esku erortzen ari da. Herritarren gehiengoaren aldeko apustua egingo balitz —ez luke txarra izan—, egoera bestelakoa litzateke. Baina joera enpresa pribatuen interesen araberakoa izaten ari da.

Interneteko neutraltasunaren aurka ere jotzen ari dira. Telebistarekin egin zutena egin nahi dute Interneten ere: zerbitzuen eskaintza paketizatu. Muga jada ez da konexio abiadura izango; zenbait datu lehenetsiko dira eta beste batzuk ez. Ordaintzen duzunaren arabera zerbitzu batzuk erabili ahal izango dituzu edo ez.

Militarizazio nabarmen bat ere ematen ari da. Segurtasuna aitzakia bezala hartuta, estatuek defentsarako mekanismoez gain, erasorako tresna teknologikoak garatzen ari dira.

Eremu pribatuari begiratuz gero, egoera ez da hobea. Korporazio handi gutxi batzuek menderatzen dute gure bizitza. GAFAM Google, Amazon, Facebook, Apple eta Microsoft akronimoarekin, gure bizitza digitalen gaineko kontrol handiena duten enpresak biltzen dira. Erdi Aro digital batean bezala, bakoitzak bere interesak defendatu eta beren esparruan ahalik eta kontrol gehien eskuratzeko helburua dute, gure datuak baliatuz. Horrek pribatutasun arazo larriak ekartzen ditu loturik. Gure grafo soziala, gure hartu-emanen traza osoaren jabe izanik, kontrol izugarria eskura daiteke.

Hori dena gutxi balitz bezala, kognizio krisi bati buruz ere hitz egiten dute zenbaitzuk. Zenbait datuk irakurketari lotutako ulermen maila jaisten ari dela diote. Beste batzuek irudimena eta sormenean eragina izaten ari diren teknologiak ere nabarmentzen dituzte. Atentzio asko eta segmentatua patroi bihurtu da zenbait teknologietan, bereziki sakelako aplikazioei lotutakoetan.

2016an NBEk Internet eskubide bezala identifikatu zuten, baina oraindik ere, milaka dira munduan konexiorik ez duten pertsonak. Orain, eskubidea egikaritzeaz gain, defenditzea ere tokatuko zaigu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©KALAMALANGALA

«Deseraiki ahal izateko, zuritasuna onartu eta tratatu egin behar da»

Amaia Ramirez de Okariz Kortabarria

Zuritasunaz indibidualki eta kolektiboki hausnartu behar dela uste du Gottliebek, orain arte eraikitakoa deseraikitzeko. Arrazismoa jasaten dutenen ahotsa entzutea ere garrantzitsua dela azpimarratu du.
Emakumezko bat maskara jantzita, bere buruari argazki bat ateratzen, Alemaniako Bonn hirian, lorez betetako parke batean. ©SASCHA STEINBACH / EFE

Iragazki bat doministikuentzat

Enekoitz Telleria Sarriegi

Alergologoek berretsi dutenez, maskaren erabilerak nabarmen arindu ditu polenari alergia diotenen sintomak. Oraintxe behar lukete denek bete-betean, baina esan dute inoiz baino kasu gutxiago dituztela. Lehen ere gomendatzen zuten maskara erabiltzea, baina orain jabetu da jendea haren onurez.

David Zaslav izango da Discovery eta AT & T batuko dituen konpainiaren zuzendari eragilea. ©ANDREW GOMBERT / EFE

AT & T konpainiak eta Discoveryk bat egingo dute, eta erraldoi bat sortu

Urtzi Urkizu

Taldeak bi 'streaming' plataforma, makina bat telebista kate eta Warner estudioak izango ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna