IRLEN SAREA

Historia zapaldua; zapalduen historia

Gorka Julio -

2018ko apirilak 7
Zapaltzen ari zaren zoru honetan izan ziren euskal industria handienetakoen langile borroka gogorrenak. Industria 4.0 garaiotan, desindustrializazioak jotako gunean eta kanpoko kapitalek erositako lurzoru hauetan, ez duzu plakatxo historiko bat ere ikusiko. Aldiz, negozio transnazional handien prekarizazio-fabrikak hazten ikusiko dituzu; inork gelditzen ez baditu».

Bilboko ezkerraldean eta Euskal Herriko beste mila tokitan gerta daitekeena erakusten du asmatutako elkarrizketa horrek. Euskaldunarekin gertatu bezala, Babcockeko gatazka ere hor galdu zen historiaren haizeek eramana. Gatazka joan zen, baina Babcock & Wilcox enpresaren lurzoruan orain Amazon enpresaren planta bat jarri nahi dute. Ahoztar Zelaietak bere txio batean argitu bezala, lurren jabe Vusa enpresa espekulazio eta euskal politikari askori lotutako ustezko ustelkeria kasuetara lotuta dago. Horiek dira orain Amazoni ateak ireki nahi omen dizkiotenak.

Amazon marka ezaguna izateaz gain, prekarizazio, esplotazio eta langileen aurkako jarrera erasokorrak izateagatik da ezaguna. Langileek, lan eta kontsumo greba deitu izan dute, adibidez, Madrilgo zentro batean, baina egunerokoak dira hauen kexuak.

Amazonen lan egitea estresarekin lotua dago. Langile batek ematen duen pauso oro neurtua dago, eta pertsonen arteko lehia sustatzen duen lan moduak erabat estutzen du bertan lan egiten duena. Enpresa horiei loturik beste hainbat fenomeno ere gertatu ohi da. Lurzoruaren beraren prezio handitzea eta etxebizitza arazoak ere sortzen ditu ezartzen diren tokitan.

Trapagaranen Babcocken lekua Amazonek okupa dezake, eta errezeta bera probatzeko prest daude Tubos Reunidosekin ere. Tubos Reunidos txikitu, gatazka zapaldu, eta gero saltzeko.

Gure agintarien diskurtsoa eta errealitatean sustatzen ari direna ez datoz bat. Gure hiriak eta herriak kapitalarentzako erakargarri egitea bilatzen ari direla dirudi, hori bai, baina horrek ez du industria berritzaile batekin inongo loturarik. Gutxiago oraindik langileen bizi eta lan baldintzak hobetzearekin.

Ez dirudi plan onena denik desindustrializazioa sustatzea, langileen gatazkak eta borrokak isilarazi eta ondoren kanpoko kapitalean oinarritutako enpresa teknologikoen ezarpena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna