Albistea entzun

Ahal Dugu-ko kideak ezin direla kaleratu dio txosten juridikoak

Orain Baik aurkeztutako eskariak ez ditu betetzen beharrezko baldintza formalak. Aznarezek presidente jarraituko luke
Ainhoa Aznarez Nafarroako Parlamentuko presidentea, artxiboko argazki batean.
Ainhoa Aznarez Nafarroako Parlamentuko presidentea, artxiboko argazki batean. JESUS DIGES / EFE Tamaina handiagoan ikusi

Gorka Berasategi Otamendi -

2019ko urtarrilak 19

Nafarroako Ahal Dugu-ko hiru parlamentariak Orain Bai taldetik kanporatzeko eskariak ez ditu betetzen beharrezko baldintza formalak, Nafarroako Parlamentuaren txosten juridikoaren arabera. Dokumentua astelehenean aztertuko du Mahaiak. Naiz agerkariak, ordea, aurretik atera du argitara edukia. Ahal Dugu-ko iturriek BERRIAri jakinarazi diote alderdiaren legelari taldea egoera aztertzeko lanean ari dela dagoeneko. Txosten juridikoak Carlos Cousok aurkeztutako eskaria aztertu du. Ainhoa Aznarez, Tere Saez eta Mikel Buil parlamentariak Orain Bai taldetik kanporatzeko eskatu dio Cousok Mahaiari.

Txostenaren arabera, Ahal Dugu-ko hiru parlamentariak kanporatzeko eskariak derrigorrean frogatu behar du kideak kanporatzeko erabakia gehiengo osoz hartu duela talde parlamentarioak, Espainiako «Auzitegi Konstituzionalaren doktrinak eskatzen duen modura». Orain Baiko lau kidek babestu zuten gainerako hiru kideen kanporatzea. Aldiz, legelariek zehaztu dutenez, nahitaezkoa da babes hori dokumentu formaletan islatzea.

Hala, parlamentuko arduradun juridikoek azaldu dutenez, ganberako araudiaren 39.3 artikuluak jasotzen du parlamentari bat edo batzuk talde batetik kanporatzeko aurretik bilera bat egin behar duela taldeak, eta bilera horren gai zerrendan jaso behar duela kanporatzeari buruzko eztabaida egingo duela. Horrez gain, bilkuraren aktan adierazi behar dute taldearen gehiengo osoak onartu duela kanporatzea. Ondoren, taldeko bozeramaileak erabakiaren berri eman beharko dio Parlamentuko Mahaiari, dokumentu formal horiek haren esku uztearekin batera.

Legelariek nabarmendu dute Cousoren eskariak ez dituela betetzen baldintza horiek, eta, beraz, Mahaiak ez duela aintzat hartu behar. Dena den, aurreratu du epe bat eman diezaiokeela, beharrezko baldintza formal guztiak beteko dituen eskari bat aurkeztu ahal izan dezan.

Cousoren eskariaren aurka, alegazioa aurkeztu zion Builek Mahaiari, eta Laura Perez, Fanny Carrillo, Ruben Velasco eta Carlos Couso parlamentariak Orain Bai taldetik kanporatzeko eskatu zuen idatzi horretan. Legelarien esanetan, Mahaiak ez du eskari hori aintzat hartu behar, ez baitago hura onartzeko oinarri juridikorik parlamentuko araudian.

Bestalde, txostenak gogorarazten du Parlamentuko Mahaiarena dela Aznarez, Saez eta Builen kanporatze eskariaren gainean erabakitzeko eskumena, eta haren ebazpena ezin izango dela errekurritu Bozeramaileen Batzordearen aurrean. Aldiz, auzibidera jotzeko aukera izango da Auzitegi Konstituzionalean, babes helegitearen bidez.

Txostena Manuel Pulidok sinatu du, Nafarroako Parlamentuko legelari nagusiak.

Cousoren kanporatze eskariak arriskuan jarri du laukoak Mahaian duen gehiengoa, Aznarez taldetik kanporatuko balute ezin izango bailuke parlamentuko presidente izaten jarraitu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Hirigune Elkargoko batzarra, joan den abenduan, Baionako Arteen Hirian. ©BOB EDME

Ezinegonak agerian, elkargoko aurrekontuaren eztabaidan

Ekhi Erremundegi Beloki

Martxoaren 4ko batzarrean bozkatuko dute Euskal Hirigune Elkargoko 2023ko aurrekontua. 2026 arte hogei milioi euro emanen dituzte herrientzat. Lurralde desoreka salatu dute hautetsi batzuek
 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.