Sortuk «aldaketa txikiren bat» ikusi du Eusko Jaurlaritzaren Bake eta Elkarbizitzarako idazkari Jonan Fernandezek aurreko astean aurkeztu zuen Zuzen Bidean programan. Programak jasotzen dituen hogei neurrietan jarrera berri bat nabaritu du: zigorren arloan eta espetxe politikan «normaltasunera itzuli» behar dela esatean, «salbuespen politikak atzean utzi behar direla ulertu du» Jaurlaritzak, Hasier Arraiz Sortuko presidentearen ustez.
«Gerrarako sortutako lege egiturak desegiteko eskatzen du garai berriak, egitura juridiko propioa eskatzen baitu aro berri bat eraikitzeak», esan du Arraizek.
Jaurlaritzak gehiago egin behar duela uste du, halere: «Badakigu Urkulluren gobernua mezuak helarazten ari dela Madrili, baina uste dugu hori ez dela nahikoa».
«Aldaketa txikiren bat» nabaritu du Sortuk Jaurlaritzan
Iruzkinak
Ez dago iruzkinik
Ordenatu
