Noiz sortua: 2018-08-29 00:30:00

HIZPIDEAK

Gerra bat balitz bezala

Autodefentsa feministaren aldeko martxa bat, Iruñean, uztail hasieran.
Autodefentsa feministaren aldeko martxa bat, Iruñean, uztail hasieran. IDOIA ZABALETA / FOKU Tamaina handiagoan ikusi

Mikel P. Ansa -

2018ko abuztuak 29

Mugimendu feministak esaten duenean gerra bat dela, ez zaio arrazoirik falta. Datuak irakurri besterik ez dago: emakumeen kontrako indarkeriagatik, 60.000 salaketa baino gehiago jarri dituzte Hego Euskal Herriko auzitegietan 11 urtean —2007 eta 2017 artean—: 60.000 baino gehiago. Epe berean, ia 14.000 babes agindu eta neurri hartu dituzte epaileek emakumeentzat: ia 14.000. Eta 1.400 emakumeri laguntzak eman dizkiote etxez alda daitezen, bizi ziren etxeak ez zirelako haientzat seguruak: 1.400. Oraintxe, indarkeria matxistako delituengatik eta hilketengatik zigorrak betetzen ari dira Hego Euskal Herriko 348 gizonezko; edozein zelula terrorista edo jihadista baino multzo handiagoa da: 348. Egunero-egunero —astelehenetik ostiralera, urtarriletik abendura—, bost emakumek baino gehiagok deitzen dute 016 telefono zenbakira, laguntza edo aholku eske: egunero bost, batez beste. Azkeneko datua, aurtengo ekainekoa: 151 emakumek altxatu zuten telefonoa, zenbaki hori markatzeko: 151. Uneotan, 41 gizon daude kalean urruntze aginduen jarraipen telematiko batekin: 41. BERRIAren datuen arabera, 2003 eta 2017 artean 90 emakume baino gehiago hil dituzte indarkeria matxista kasuetan: 90 baino gehiago. Eta atzoz geroztik, beste bat, Uharten.

Zenbaki batzuk bi aldiz esan eta bi aldiz irakurri behar dira haien atzean dagoen dimentsioa ulertzeko. Gerra baten itxura dute emakumeen aurkako erasoek, eta hobe izango da, neurriei eta erabakiei buruz eztabaidatzerakoan, gerra bat izango balitz bezala pentsatzen hastea arazo hau. Eta ez txarrapin epidemia bat balitz bezala.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna