HIZPIDEAK

'Impeachment' baten itzala

Donald Trump AEBetako presidentea, Etxe Zurian ekitaldi batean.
Donald Trump AEBetako presidentea, Etxe Zurian ekitaldi batean. JIM LO SCALZO / EFE

Jon Ordoñez Garmendia -

2018ko abuztuak 23
Norbait presidente on bat bilatzen ari bada, sutsuki aholkatuko nioke ez kontratatzeko Donald Trumpen zerbitzuak. AEBetako presidenteak atzo Michael Cohen bere hurbileko abokatua izan zenari erasotzeko erabili zuen txioa primeran datorkio berari ere, agintaldiak hartu duen itxura ikusita. Bozak irabazi zituenetik bi urte betetzear dira, eta ustelkeria eta praktika txarren susmoa geroz eta gertuago ditu. Jakina zen ez zela hau agintaldi lasai bat izango, baina nazioartean piztu dituen suak txiki geratuko dira AEBetan pizten ari direnekin alderatuta.

Errusiaren esku hartzearen ikerketak ez du oraindik berea eman, baina, hortik tiraka, Cohenek aitortu du bi delitu federal egin zituela 2016an Trumpen kanpainan hauteskunde arauak hautsita. Batetik, bi emakumeri Trumpekin izan zituzten harremanak isiltzeko ordaindu eta haren irudia babestu. Eta bestetik, diru hori faktura faltsuekin zurituz. Cohenen abokatuak bota du gezia: abokatuak delitua egin badu, ez al du bezeroak ere egin?

Abokatua, kanpaina burua, aholkulariak... ikerketak inguratzen ari zaizkio Trumpi, eta hedabideekin izaten ari den erreakzioak ez du ezer onik iragartzen. Azaroan, Kongresua eta Senatuaren heren bat berrituko dituzte. Une honetan errepublikanoek bi ganberak kontrolatzen dituzte. Presidenteak kontrol hori galtzen badu eta epaitegietatik gehiago xaxatzen badute, amesgaizto bihur daiteke agintaldiaren bigarren erdia Trump ahalguztidunarentzat. Are gehiago impeachment baten itzalak hartzen badu. Aintzat hartu beharreko aukera da hori: aitatzen hasiak dira, eta arrazoiak egon, badaude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna