'Des Demonas'

Garai batean Los Angeles hiriko In The Red Records diskoetxeak argitaratzen zituen diskoak amorruz entzuten nituen, baina azken urteetan ez du nire binilo-gosea piztu duenik plazaratu. Halere, Washington DC hiriburuko Des Demonas taldearen estreinako lan hau erabat deigarria iruditu zait, azaletik hasita; tartean, Kid Congo & The Pink Monkey Birds, Medications edo The Make-Up taldeetan aritutako musikariak daude. Eta elementuon proposamena berezia eta basatia da: farfisa teklatuek zanpatutako garage-rock garaikide eta zaratatsua, eta tarteka esperimentala eta iluna. Jacky Cougar punk kenyarrak ahotsetan egiten duen lana aparta da —antza, bateria jotzailea eta fanzine argitaratzailea ere bada—. Bere abesteko moduan Mark E. Smith-en ahoskera eta Afrikako oihartzunak uztartzen dira. Flipatzekoa.