Musika. The Riff Truckers

'Over The Edge'

Diskoetxea: Autoekoizpena.

Inaxio Esnaola Aranzadi.
2018ko apirilaren 15a
00:00
Entzun
Gernikako The Riff Truckers banda errepidera itzuli da gasolindegian denbora bat pasatu ondoren. Lasaiago abiatu dira oraingoan, basamortuko usainak antzemateko. Horrela ere, rock sustraiak dituzte bidelagun Over The Edge iraupen laburreko lanean. Whisky zaporeko blues eta country doinuak pausatu dituzte. Batez ere, Tears in The Dust gisako abesti ederra eskaintzeko. Melodiei garrantzi handiagoa eman diete bost abesti berrietan. Kamioia une batez alboan utzi, eta gitarra riffekin zaldi gainean trostan doaz For Tommy ibiltarian. Hard rockaren sua ere mantendu dute (Over The Edge), eta ke arterako soinu banda aproposa topatu (Marbellyn). Dosi txikiarekin bada ere, bizkaitarrak bueltan dira, lehortea eta izerdia likore preziatuarekin gainditzeko.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.