JIRA

Ilarak

Angel Erro -

2019ko martxoak 26

Egia da joan den asteazkenean, martxoaren 20an, Josu Goikoetxeak botatako honako txio hau («Adin batetik gora, ilarak egiten dituzu bakarrik derrigorrezkoak direnak») irakurri zenuela? Bai. Txiokatu, erantzun edo like sakatu zenion? Ez. Ados ez zaudelako ala adin batetik gorakotzat jo ez zaitzaten? Bigarrena. Orduan ados zaude ilarak egin behar ez izate horrekin? Orokorrean bai. Inoiz ez duzu ilararik egin? Bai, baina gauzak lasaiago hartzea erabaki dut, Ana Malagonen Duty free ipuinean neure burua islatuta ikusi ondoren. Zer dio ipuin horrek? Gauza asko. Ilarei buruz? Ezinen nuke hitzez hitz esan, baina aireportuetan enbarkatzeko tenorean ilara osatzen dutenei irri egiten die. Orduan, irrigarri deritzozu ilara egiteari, esaterako, Getxon Juan Carlos I hegazkin-ontzia ikusteko ilara luzeak egiteari? Ez dut nik hori esan. Irrigarria deritzozu patria defendatzeari? Protesta egiten dut; lekukoak ez du zertan horri erantzun! Ongi da. Ilararik ez balego, prest zeundeke hegazkin-ontzia bisitatzeko? Oker ez banago, alde egin du. Baina Getxon balego oraindik? Ez nuke eragozpenik, ez banu zer egin hoberik. Goikoetxea eta Malagon akusatuen ilaren kontrako apologiak irakurtzea, esaterako? Protesta egiten dut!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

PCR probak egiten, gaur, Getariako Sahatsaga kiroldegian ©Andoni Canellada

Hasi dira PCR probak egiten Getarian, eta prestatzen ari dira Tolosan

Gurutze Izagirre Intxauspe - Iñigo Terradillos

Uztailaren 9tik 12ra Politena tabernan egon zirenei PCR probak egiteko deia egin du Osakidetzak. Tolosan ere taberna batetik zabaldu da birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna