Albistea entzun

KRITIKA. Antzerkia

Neskato ameslaria

Hainbat instituziotako ordezkariak, atzoko ekitaldian.
Hainbat instituziotako ordezkariak, atzoko ekitaldian. GORKA RUBIO / FOKU Tamaina handiagoan ikusi

Agus Perez -

2021eko ekainak 12

'Mundopolski, extragedia y rebelión'

Ekoizpena: Nafarroako Antzerki Eskola. Egileak: Jon Gerediaga, Unai Garate. Zuzendaritza: Ander Lipus. Musika: Aitor Agiriano. Jantziak: Maria Sagues eta antzezleak. Antzezleak: Nelly Movsesyan, Pablo Cañete, Maia Ansa, Maria Zubiaur. Lekua: Nafarroako Antzerki Eskola, Iruñea. Eguna: Ekainak 10.

Nafarroako Antzerki Eskolan izan dugu hogei urte geroago Mundopolski, extragedia y rebelión berriro ikusteko parada, Ander Lipusek zuzenduta eta hango ikasleek gradu amaierako lan bezala antzeztuta.

Alex Gerediagaren zuzendaritzapean ikusi genuen jatorrizko Mundopolski hark Erreboltaren ziaboga eraman zuen azpititulutzat euskarazko bertsioan, eta beste mugarri bat ezarri zuen Antzerkiola Imaginarioaren ibilbidean, besteak beste 8 olivetti poetiko benetan iraultzaile haren ostean. Miren Gaztañaga, Na Gomes eta Miriam K. Martxante izan ziren antzezleak, eta obra aurreratu hark ia-ia jokoz kanpo utzi bagintuen ere, orain berriz ere ikusteak eta ikusleengan emozioa eta txalo beroak piztu dituela jakiteak asko esaten digu bai Bilboko Mina espazioan eratutako kolektibo abangoardista hartaz bai obra mitiko honen esanguraz.

Jon Gerediagak eta Unai Garatek idatzitako testua gure garaietako parabola konplexutzat har daiteke, eta mundu baten desagerpenaren eta datorrenaren aurreko erresistentziarako dei desesperatutzat ere jo dezakegu. Artisten kolektiboari begira, Bilboko Udalak itxia zuen bere kontrolpean ez zegoen Mina espazioa, eta horrek azaldu dezake testuari darion etsipena, baina egoera globala ere kontuan hartzeko modukoa zen: igaroa zen Sobietar Batasunaren desegitearen osteko lehen hamarkada, eta ustezko buruargiek Historiaren amaiera ere iragarria zuten. Ez dira, beraz, kasualitate testuan beleei egindako aipamenak, hasierako aurresku-musika erdi techno erdi deformatua kasualitatea izan ez den bezala.

Ia argumenturik ez duen istorio honetan, Poloniako pailazo troskista, suntsitu eta esperantzarik gabeko bat da protagonista. Historia garaileek idazten omen dute, eta kontakizun ofizialak armairu gotor batean utzi du ahaztuta, baina berarekin batera handik aterako da neskato ameslari bat, bizipozaren alde borrokatzera determinatua dagoena. Jatorrizko obran, emakume korifeo batek egiten zuen protagonisten eta ikusleen arteko lotura, baina oraingo bertsioan pertsonaia bikoitza sortu du zuzendariak, esaldi hanpatuak korifeo nagusiaren esku utzita eta bestea eremu eszenikoa garbitzera bidalita. Azken horrek esana da harribitxi hau: «Zenbat zikintzen dute iraultzek!».

Izan ere, egunkari zimurtuz beteta agertu da eremu eszenikoa, eta iragan galduaren sinbolo izan diren orri horiekin eratu dira loreak, largabistak, metrailetak eta mantak, suntsipena baino iragartzen ez zuen eremu abandonatu hartan. Amaiera aldera, eta dena ordena berriaren gustura geratu denean, bandera gorri inprobisatua komuneko zuloan sartuta geratu da, eta agertokiaren beste muturretik antzoki bateko besaulki tolesgarri hutsak begiratu dio eszenaren desolazioari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Plateruena: berriz zabalduko ditu ateak

Durangoko Plateruena kafe antzokiak berriz irekiko ditu ateak

Iñigo Astiz - Paulo Ostolaza

Udalarena izango da, baina kudeaketa publiko eta komunitarioa izango du; kultur mahai batek gidatuko du. Gune berriak hiru erpin izango dituela azaldu dute: euskara, kultura eta sorkuntza.

Harkaitz Cano idazlea, bere poema liburu berria esku artean duela, Donostian. ©Maialen Andres / Foku

Harkaitz Canok ‘Pozaren erdia’ poema liburua plazaratu du

Ainhoa Sarasola

Susarekin eman du lana argitara. 64 soneto bildu ditu idazleak, eta aitortu du «adiktiboa» egin zaiola hamalaudunaren egituran barneratzea.

 ©MARISOL RAMIREZ / FOKU

Aurtengo Durangoko Azokak argitu dezakeen argazkia

Itziar Ugarte Irizar

Digitalizazioaren aroak galdera ikur handiak ezarri ditu musikagintzaren sektorean. Nabarmen aldatu da musika banatzeko era, eta Durangoko Azokan ere gero eta begi-bistakoagoa da hori. Eredu bat agortzear sumatu arren, formatu fisikoaren aldeko jarrerari eusten diote gehienek.

Karmele Mitxelena eta Iñaki Cid Larrea, beren lan argitaratu berriak eskuetan, Donostian. ©GORKA RUBIO / FOKU

Karmele Mitxelenaren eta Iñaki Ciden lanak argitaratu dituzte

Itziar Ugarte Irizar

'Haragizko mamuak' du izenburu Mitxelenaren lehen narrazio liburuak, eta 'Behin batean Loiolan' antzerkiaren alorreko Ciden lanak. Donostia Hiriko Kutxa Literatura sariak irabazi dituzte biek, eta Elkarrek eman ditu lanok argitara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.