Albistea entzun

Eusko Legebiltzarrerako hauteskundeak. Kanpaina (EH Bildu). ZIRRI-ZARRA

Jauzi

Castillo Suarez - Idazlea

2016ko irailak 20

Adolfo Araiz sutan ikusi dudan aldi bakarrenetako bat izan zen, kudeatzaile lanean ari zela, mendeko langile batek politikoa (izan) zela aurpegiratu zionean. Gauzak ez direla nahasten ahal oihukatu zion, haserre. Bereizteko lanbide bat eta bestea. Aspaldi zeukan lehen lerroko politika utzita, eta ez dut uste politikara publikora bueltatzeko aukerarik/asmorik zuenik orduan. Hamaika buelta eman ditu munduak harrezkero, eta lehendakarigai izendatu zuen EH Bilduk handik urte batzuetara, gainera, bere kudeatzaile izaera nabarmenduz. Ez dakit noizbait administraziora bueltatuko den, ezetz esango nuke, baina lanbide batzuetan gure iraganak uzten duen arrastoa handia da. Handiegia, apika. Izan ere, asepsia maite du administrazioak alorrik kutsatuenetakoa izanagatik.

Burutara etorri zait pasarte hura berriki irakurri dudalako EH Bilduko hautagaien gutuna azalduz zergatik egin duten jauzi kazetaritzatik politikara. Polita da testua. Eta sinesgarria. Baina ez da jauzi hori arduratzen nauena, kontrako jauzia baizik. Oso zaila iruditzen zaidalako politikatik funtzio publikora bueltatzea. Beharbada ez da orain egin beharreko gogoeta bat. Beharbada ez dute hedabide publiko batera bueltatzeko asmorik. Seguruenik ez dute pentsatu ere egin. Baina pena handiagoa ematen didate galdu ditugun kazetariak irabazi ditugun hautagaiak baino. Batik bat hedabide publikoetan aritu diren aldetik. Atzera bueltarik gabeko lanbidea iruditzen zait politika. Horregatik iruditzen zait beldurgarria bezain kitzikagarria. Horregatik ez da nire hautua inoiz izan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baionako auzitegia okupatu dute Bakegileek

Baionako auzitegitik kanporatu dituzte Bakegileak

Oihana Teyseyre Koskarat - Ekhi Erremundegi Beloki

Desobedientzia ekintza egin dute Bakegileek, Baionako auzitegirako sarbidea oztopatuz. Jakes Esnal eta Ion Kepa Parot euskal presoak baldintzapean aske uzteko galdea aztertu dute Parisen, baina enegarren aldiz kontrako jarrera erakutsi du terrorismoaren kontrako fiskaltzak.

Haimar Altuna Sortuko kidea, Galder Barbado gaztea eta Ainize Gastaka Martinez abokatua, gaur, Sorturen Donostiako egoitzan. ©Maialen Andres / FOKU

Galder Barbadok salatu du Guardia Zibilak kolaborazio eskaerak egin dizkiola

Maddi Ane Txoperena Iribarren

Azken aste eta hilabeteotan jazarpena jasan duela ohartarazi du Amurrioko gazteak. Sorturen arabera, «profil ezberdinetako» bertze lau lagunek gutienez ere jasan dute jazarpena: publikoki salatzeko deia egin diete.

Jaime Tapia espetxe-arloko aholkularia, Artolazabalekin eta Araba, Bizkai eta Gipuzkoako espetxeetako zuzendariekin. ©IDOIA ZABALETA/FOKU

Euskal Herriko lehen amatasun unitatea aurkeztu dute Martuteneko espetxean

Jone Arruabarrena

Beatriz Artolazabalek gezurtatu egin du dimisioak egon izana. Adierazi du funtzionarioen lekualdatzeak direla-eta zazpi lanpostu hutsik daudela, baina horiek betetzeko lanetan dabiltzala.

Euskal presoen gradu inboluzioen aurka egindako protesta bat, joan den otsailean, Getxon. ©Monika del Valle / FOKU

Hirugarren graduan jarri dute Iñaki Bilbao Gaubeka euskal presoa

Maddi Ane Txoperena Iribarren

Basauriko kartzelan dago gaur egun. Tratamendu batzordeak proposatu eta Eusko Jaurlaritzak onartu du gradu aldaketa. 1998tik dago preso, eta 25 urteko espetxe zigorra ezarri zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.