Zuhaitzak, oraingoz, plastikoz inguratuta

Plastikoz babesten dituzte zuhaitzak landatzen dituztenean, eta Lurgaia fundaziokoek nabarmendu dute «beharrezkoak» direla orkatzek janeta apurtu ez daitezen. Plastiko horiek sei urte geroago kenduko dituzte, gutxi gorabehera, eta berrerabili egingo dituzte beste landaketa batean. «Plastikoa gure drama da, baina, jartzen ez badugu, zuhaitzak hil egiten dira», azaldu du Cristina Jeronimo fundazioko kideak. Material hori ez erabiltze aldera, hainbat proba egiten ari dira «konpostagarri ekologikoekin» eta besterekin, baina, oraingoz, ez dute topatu plastikoa ordezkatzeko modurik.