Beste 16 hildako eta 500 kasu berri Hego Euskal Herrian

Eusko Jaurlaritzak datuen bilakaera positiboa aipatu zuen atzo, ezohiko legeak indargabetzerakoan. Dena den, positibo berriek gora egin zuten atzo Hego Euskal Herrian; beste 500 kasu baieztatu zituzten atzo osasun zerbitzuek, eta, beraz, 23.585 dira testean positibo emandako pertsonak. Beste hamasei hildako ere baieztatu zituzten —herenegun baino bat gutxiago—, eta 1.850 dira koronabirusak hildakoak. Datuen eguneroko gorabeherak «zerra hortzen» ondoriotzat jotzen dituzte adituek. Oraindik ere ospitalean daudenak, berriz, 746 lagun dira; horietako 117, zaintza intentsiboetako unitateetan.