Albistea entzun

Alaves 3-1 Athletic

Ez du ezertxo ere aldatu

Alavesek gozatua hartu du Athleticen bizkar, sasoiko azken euskal derbian. Partida asko baldintzatu du Kepak atsedenaren atarian egindako huts batek
Iñigo Martinez Athleticekoa, Alaveseko Guidettiri baloia kendu nahian atzoko norgehiagokan.
Iñigo Martinez Athleticekoa, Alaveseko Guidettiri baloia kendu nahian atzoko norgehiagokan. JUANAN RUIZ / FOKU Tamaina handiagoan ikusi

Eñaut Agirrebengoa -

2018ko maiatzak 13

Golak. 1-0: Guidetti (43. min). 2-0: Munir (59. min). 3-0: Ibai (77. min). 3-1: Muniain (79. min). Epailea. Estrada Fernandez. Txartel horiak: Alaveseko Maripan eta Munirri; eta Athleticeko Beñat, Sabort, Yerairi, San Joseri eta I. Martinezi. Bestelakoak. 19.459 ikusle Mendizorrotzan.

Umore eta dinamika oso ezberdinean iritsi ziren Alaves eta Athletic atzoko partidara. Olatu aparretan ziren arabarrak; beheraldian murgilduta, berriz, bizkaitarrak. Bada, derbiak ez zuen ezertxo ere aldatu. Alavesek dena izan zuen alde: zortea, eraginkortasuna, giroa... Lehia distiratsua jokatu gabe, emaitza paregabea lortu zuen. Hala, modurik onenean amaitu zuen sasoi honetako lana Mendizorrotzan. Athleticek, aldiz, ez zion etekinik atera minutu askoan izaniko nagusitasunari, eta garesti ordaindu zituen atzean egindako hutsegiteak.

Partidari dezentez hobeto ekin zioten zuri-gorriek. Bigarren jardunaldiz jarraian, hiru defentsako sistema ezarri zuen Zigandak, Saborit eta De Marcos hegaleko luze moduan ipinita. Bada, arabarraren barneraldiak etengabeak izan ziren eskuin hegaletik, eta sufritu egin zuen Alavesek. Williams ere zorrotz aritu zen. Harena izan zen zuri-gorriek lehen zatian izan zuten aukerarik garbiena: arean tokia egin, eta pasea eman zuen atzera Muniainek, eta Williamsek langara bidali zuen baloia.

Geroago, Adurizek gelditu on bat egitera behartu zuen Pacheco, areaz kanpoko jaurtiketa batekin. Eroso aritu zen Athletic, baloia bere eginda. Alaves atzean sartuta izan zen, eta ez zuen asmatu jokaldiak harilkatu eta arriskua sortzen. Atepean arrats lasaia ari zen izaten Kepa, harik eta 42. minutuan hanka sartu zuen arte. Baloia zabaltzeko orduan, Guidettirekin egin zuen topo, eta errebotea zuzenean ate barrura joan zen. Athleticek baino dezente gutxiago eginda aurkitu zuten saria etxekoek.

Atsedenetik bueltan, bestelako itxura hartu zuen partidak. Baloia Athleticena zen oraindik ere, baina erasoan argitasun handiagoa izan zuen Alavesek, Munirrek gidatuta. Aurrelariak sekulako gola sartu zuen 59. minutuan, faltaz; baloiari gurpila eman, eta maisuki gainditu zuen Kepa. Hori gutxi ez, eta 76. minutuan hirugarrena sartu zuen Ibaik, Yerayk Pedrazaren erdiraketa bat gaizki urrundu eta gero. Gozatu egin zuten arabarrek; sufritu, aldiz, bizkaitarrek. Muniainek 3-1ekoa sartu zuen 78. minutuan, kolpea apur bat arintzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kike Barja, gaur, jokaldi batean. ©Biel Aliño / EFE

Osasunak hutsean berdindu du Levanteren zelaian

Berria

Gorritxoek zazpi jardunaldi daramatzate irabazi gabe, baina zortzigarren postuari eusten diote. Gaur hobea izan da Levante, sailkapeneko azkena.

Urrutikoetxea eta Aranguren besarkatuta, gaur, Bilbon, Albisuri eta Peñari irabazi berritan. ©Marisol Ramirez / Foku

Bigarren garaipena Urrutikoetxea-Arangurenentzat

Berria

Ezustekoa eman eta bikote faboritoetako bati irabazi diote. Urrutikoetxea izan da partidako onena. Emakume Master Cupeko lau eta erdiko finala Miriam Arrillagak eta Amaia Aldaik jokatuko dute.

Alaveseko eta Valentziako jokalariak lehian, gaur. ©Jaizki Fontaneda / Foku

Alavesek eta Realak irabazi, Eibarrek berdindu

Paulo Ostolaza

Emaitza bikainak eskuratu dituzte gaur jokatu duten hiru euskal taldeek. Alavesek Valentziari irabazi dio (3-1), Realak Madrili (1-2), eta Eibarrek Huelvan berdindu du (1-1).

Realeko jokalariak burumakur, Real Madrilek bigarren gola sartu eta gero. ©JAVIER ETXEZARRETA / EFE

Biguntasuna ordaindu du

Ainara Arratibel Gascon

Lehen zati amaiera on baten ostean, Realak bi gol jaso ditu bigarren zatiaren hasieran, atzean gaizki zaindutako bi jokalditan. Ezin izan du suspertu. Txuri-urdinek hirugarren porrota kateatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.