Noiz sortua: 2019-04-29 00:30:00

Espainiako Gorteetarako hauteskundeak. Emaitzak Espainian

Pedro Sanchez: «Etorkizunak irabazi du, eta iraganak galdu»

PSOEko buruzagiak erran du «politika progresistak» eginen dituela gobernuan. «Riverarekin ez!» oihukatu diote jarraitzaileek

Pedro Sanchez PSOEko idazkari nagusia garaipena ospatzen, atzo, Madrilgo Ferraz kalean.
Pedro Sanchez PSOEko idazkari nagusia garaipena ospatzen, atzo, Madrilgo Ferraz kalean. JUANJO MARTIN / EFE Tamaina handiagoan ikusi

Mikel Rodriguez -

2019ko apirilak 29

«Baziren 11 urte ez genuela entzuten 'Alderdi Sozialistak hauteskundeak irabazi ditu!». Pozik atera zen Pedro Sanchez PSOEko buru eta gobernuko egungo presidentea jendaurrera Madrilgo Ferraz kalean, inoiz ezagutua ez zuen uneaz gozatzera. Alderdiaren, LGTBI kolektiboaren eta Espainiako banderez gainezka zegoen kalea, eta alderdiko jarraitzaileek askotan moztu zuten buruzagiaren hitzaldia, kantuekin eta oihuekin. No pasarán! 36ko gerrako lelo antifaxista ere oihukatu zuten. «Etorkizunak irabazi du, eta iraganak galdu egin du», aldarrikatu zuen Sanchezek.

Izan ere, kanpainan hartutako jarrerari jarraituz, eskuin muturra geldiarazi duen mugimendu gisa aurkeztu zuen bere burua Sanchezek. «Europari eta munduari mezu bat eman diogu: autoritarismoa eta ultraeskuina geldiarazi daitekeela». PSOEk hauteskundeetan zuen lehenengo helburutzat aurkeztu zuen hori, baina jarraian erran zuen «gobernatu» eginen dutela. Ez zuen zehaztu zeinekin agindu nahi duen, baina «politika progresistak» eginen dituela erran zuen. Jarraitzaileek argi oihukatu zioten: «Riverarekin ez!». «Entzun dut», erantzun zien Sanchezek. Baina zehaztu zuen ez zuela «haiek» bezala eginen. «Ez diet banaketa hesirik jarriko».

Berreskurapen handia

Garai batean apaltzat joko lirateke PSOEk atzo izandako emaitzak, 1977tik egin diren Kongresurako bertze hamahiru hauteskundeetan soilik bortz aldiz atera baititu jarleku gutxiago. Baina bilakaera kontuan hartuta, egiazko garaipen bat da Sanchezek lortu duena. Izan ere, sei aldi horietatik hiru 2011tik egin diren hiru bozetan izan dira, eta alderdiaren historiako emaitzarik txarrenak izan dira hiru horiek. Gainera, 2015ean PSOEk inoiz izan duen boto kopururik txikiena jaso zuen —%22,01; Sanchez lehenbizikoz aurkeztu zenean—, eta 2016koetan, berriz, inoizko diputatu kopururik txikiena —85—. Berreskurapenak, beraz, garaipen bihurtu du atzoko emaitza, baina ez horrek bakarrik, iraganean ez bezala, bi alderdiko hegemonia politikoa hautsi egin baita azken hauteskundeetan. Hortaz, balio berezia eman dio PSOEren garaipenari. Hamar hilabeteko presidentetza izan da Sanchezentzat garaipenerako kanpainarekin onena.

Eskuinari erantzun dio ezkerrak

Behin irabazita, Pedro Sanchezek bi bideren artean aukeratu beharko du

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna